صدك تضحك يخايب واني حزنان

صدك تضحك يخايب واني حزنان
و كلمات الفرح بالسانك ادور

وصدك ناسي اليحبك صارله اسنين
ولا مر اعله بالك خايب امرور

وصدك بعت المحبه ابرخص التراب
وضفت هم اعله همي وصرت مغدور

وصدك دمعك تعزه اعليه بالضيج
وانه السويت دمعي ابضيجك ابحور

وصدك تيزاب دربـي اترشه واشواك...
وانه الرشيت دربك طيبه وزهور

وصدك تحچي ابقساوه اوياي وصياح
وانه الوياك احچي ابصوت عصفور

وصدك وياي طبعك طبع الاذياب
وانه الوياك طبعي طبع الطيور

وصدك تتركني أنته اوجنحك اطويل
وانه الشلتك ابظهري اوجنحي م**ور

وصدك مايك تمنعه واني عطشان
وانه السويت ألك چفيني ناعور

وصدك تمنع خبزتك واني جوعان
وانه كل العمر جبته الك تنور

وصدك وحدي اتركتني ابلايه حراس
وانه عمري كضيته اعليك ناطور

معـذور اليخون اوينسه كل طيب
وانساني اكلك وانته معذور

عاااشت ايدج ورده كوولش حلوو
دومج مبدعه
تحياتي الج

روووووووووووووووووووووعة
عاشت الايادي وردة
ودي

خوش قصيده
تسلم ايدج
تحياتي

منوورين
......

يسلموووووووووو اختي على التعبير الراااااااااااااااائع

يعطيك ربي العافيه

وننتظر كل ما هو جديد لك

تقبلي حضوري

تحيااااااااااااااااااتي

منووره
.....

عاشت الايادي موضوع حلوووو
دوم الابدااااااااااااع
تحياااااااااااتي

عاشت الايادي