اريد اوصف جمالك

أريد أوصف جمالك وصـــف مجنون
وحـــــيل وصفك كلـــبي شايلة حمالة

صـــار سنين أعاين للجمــال البـــــيك
وشفــت حسنك فريـــد ومحد بدالـــــة

لان حســــنك مايبين من البياض البيك
اليشوفك شمــــس و عالارض حسبالة

يسألني كلبي عليك منين أنت مخلوق
وعاش بلا جواب كــل عمرة ســــؤالة

خليفةيوسف أنت علةالأرض خلوك
حتة منتشوفك النــاس تتذكر جمــــالة

الخسوف أنة عمري ماخفت منة وياك
لأن لوراح الكمر عندي وجهك بدالـــة

بشـــعرك ابــدي وشحجــيلك عللــــون
مكاسر بداية ليل ويالنهار لوشد رحـالة

وكصتــك شمـــس وبيه كـــــل الخـير
المؤمن مــن يشوفك تتخربط احــوالة

والحواجــب اضن ميزان هذا الكــون
وبخزرتــك وبغمزتــك تبين العدالـــة

وماوصف العيون لن ماكواحلة منهن
لأن تغمـــض لوتمــر بيك الغزالـــــة

وأدوخ مـــن اذكر طاري هالوجنـــات
كوكتيل رباني من تفاحــة وبرتقالــــة

وخشمــك شخصية وكبريــاء ألبي
التكـبر والظـلم والجـور عندك محالـة

والناس بشفافــك تضــرب الامثـــــال
وتغار منك روز واليسا وحتة اصالــة

ركبتك مـرمـر وبلوة البيـاض البيــــك
عود الثلــج منك ابيض لاما اضن لالـة

وصـدرك للبشر صاير مركز الانضار
سبحــان رب الكون أتقن في كمالــــة

ويلطولــك نخــل ومـــا تهزة الريـــح
فلاحك وأريد اجملك أنة وحالتي حالة

ويالخصــرك كدر محبس آ ه يلرشاقة
دعوف الثوب محاجة تضب حبالــة

عودت روحي علــيك ولاتضن اعوفك
لأ كلبي اخذ حــبك وحب الأهل شالـة

اذرف دمــع بالبين ويحرم علي النـوم
وتذوب كــل حشـاي ياناس بوصالـــة

هذا حبك أنت

كلمات واحساس راقي
دومج مميزه بمواضيعج الراقيه وترك بصمه رائعه
نتضر كلشي منج راقي
تحياتي الج

تدلل عيوني منور

شعر يجنن
عاشت ايدج
وردة

ايدح العايشة وردة منورة

عاشت الايادي موضوع حلوووو
دوم الابدااااااااااااع
تحياااااااااااتي

عاشت الايادي موضوع حلو وكلام رررررروعة
تحياااااااااااااااااااااااااااااااااااااااااتي:a (39):