معذور عني بعدت وادريها مو بيدك
وادري القدر غافلك والدنيا ما تريدك
وادريك تطلب شوفتي واني اكثر اطلبها
بس الوكت بالغصب خلاني ما اجيلك
يا خوي لمن رحت بية اكثرت الهموم
وكلبي بغيابك بچة والروح تبچيلك
والعين ما شافت فرح يوم الغبت عني
تذكرتني من چانت تجي وعن همها تحجيلك
وضلوعي ما بطلت تون راح السكن بيها
تذكرني لو چانت تون تريحها بيدينك
يا خوي دنيانة صفت بس للعكارب بيت
لو عكرب تسم الخلك لو موتك ايجيلك
مرات اكول شبالعجل الموت اجالك ينتقم
ولو ليلي اجاني بظلمتة اتمنى امشيلك
يا خوي ان معزتك مو ذكريات وبس
انت الهوى الجان الي وانفاسي تدعيلك
يلعن ابو هالوكت مني خذاك بساع
ورصاصة من مجرم اجت عالغدر ناويلك
الرصاصة باست كصتك ودمك عطر من فاح
والكاع ام وبجت من كمشت ايمينك
يا كاع حظنيه بلطف واسكيچ من دمعي
ويا لحد اوسع لاتضيك ارحم شهيدك
مبروك عريس ورحت والناس اتهلهل
نعم الشهيد البطل بالجنة ندعيلك
