اليوم جايبلكم 451 نكتة تعال اهنا
* احلى نكات *
1) اعمى گام يشوف صار بيه شلل من الفرحه.
2) ناصرية فتح مدرسة للخباثة لماكمل عدد الطلاب سدهه .
3) محشش گالوله اشسميت ابنك گال مامستعجل گالولي راح تنزل حروف جديدة .
5) واحد يعرف يحسب من الواحد للثنين بس . راح يشتري ببسي گاله اطيني ثنين ببسي وواحد ببسي .
6) ذبانه تصيح وزززززززززززززززز وگعت انكسر سنهه كامت تصيح وثثثثثثثثثثثثثثثثثثثث .
7) المحششين سمعوا عن المخطط الامريكي بالعراق قدموا على قطع اراضي بيه .
8) واحد گال لابو المحل اريد نظارة . گله : للقراءة لو للشمس ؟ گله لا لمرتي .
9) عجوز شافت ذيب خافت گلهه لاتخافين ماأحب النواشف
10) محشش شاف دعاية مارلبورو . تأثر بيها راح اشترا حصان .
11) فيل طب للگهوه طلب نرگيله بدون قمچي.
12) محشش راح للحج مطرت خابر اهله گلهم غطوا الاسمنت
13) نعجة صاحت مييييع سمعها طلي گال: اروح فدوه لهل صوت .
14) زرافة تگول : امنيتي الگي بلوز ابوالرگبه يرهملي.
15) وحدة گالولها بيتچ مليان تراب گالت صوج رجلي ميسمع غير اغاني قديمة.
17) واحد خبيث كال لحرامي علمني البوك واعلمك الخباثة الحرامي باك محفظة گدامه گله شوف شلون ابوك يلله علمني الخباثة الناصرية گام يصيح : حرامي حرامي .
18) واحد شاف اعمى لازم جريدة گال اول مرة اشوف اعمى يقرا . كله الاعمى ومنو گلك اعرف اقرا اني جاي اتفرج عالصور .
19) وحدة حلمانة بواحد يركض وراها گالتلا ليش تركض ورايا گالله اني ادري هو انتي الي حلمانة لو اني
20)محشش شاف وحدة حلوة راكبه بالتاتا نزل اخذ الرقم .
21) محشش يريد يتزوج گال لابوه: يابا اريدها تكون بيضة وطويلة . گام جابله ثلاجة عشرين قدم .
22) محشش سمع أكوا حقل مزروع بيه الغام راح ثاني يوم يسگيه
23)محشش اشترا حذاء ضيك گالوله ليش ؟ گال لوتدرون شلون ارتاح من انزعه
24) محشش مايفتهم بالرياضيات گام طيّر الأوراق گالوله ليش ؟ گال حتى افهمها وهي طايرة.
25) سوداني شاف اسد گام يبچي گلله مروتك لاتاكلني.. گلله الاسد: بالعكس اصلا اني ما اكل المشويات.
26) أحول اشتره ديچ طلع الديچ همينه احول اجه يحطه بالقفص حطه برا الديچ على أساس لوتي راد ينهزم طب بالقفص.
27) عجوزة اتزحلكت وطاحت گالت شفتوا شلون دبل كيك
28) محشش گال لقاسم أبو الگص فد نفرگص قاسم گلله سفري لوبالصالة كلله سويه مشكل .
30) طفل احول لگه بالشارع عشرين دولار گام يصيح هيه لكيت اربعين دولار
33)خبيثصوّر الدفنة مال ابوه بالفيديو كام كل شويه يراويه لأمة . أمه همينه بالعناد كلما تشوف الفلم تگوم تتحمر وترگص .
35) محشش اعمى تبرعتله مرته بعينها وره العملية گللهه وفوگاهه عوره گام طلگه .
36) ديچ مضوج دجاج المنطقة فگالتله وحدة ماعندك اهل يربوك گاللهه لا والله تفقيس مكاين .
37) محشش مات ابوه حط لافته بالسوك يونس ينعى اباه ويصلح الساعات .
38) چلب فقد الذاكرة گام يكول نَوْنَوْ لا بَوْبَوْ همينه لا يا الله نسيت شلون ينبحون .
39)محشش هارب.. اشتره جواز مال واحد اسمه حسنين وبدل الصوره..بالسيطره سألوه شسمك ؟ گال اثنين حسن .
40) ناصرية ديوصي ولده ما اوصيكم بالخباثة ولدي الخباثة الخباثة ثم الخباثة . گالوله ولايهمك لمن مات ذبوا جثته بالزبالة .
43) كردي سأل شيخ عشيرة دليمي گله اشكد عمرك گله الشيخ 42 . گلله الكردي شلون صدفة . نفس قياس الگيوه مالتي .
44) احول راد يكتل ذبانة كتل اللي بصفها .
45) كردي گلتله مرته اني أحبك . گللهه خلي علاقتنه صداقة بس .
46) كردي گالوله: إبنك أجته طلقة تايه . گال اصيل اكيد راح يدليها .
47) كردي گالوله الحفله تنكريه.. دز أخوه ابداله .
48) واحد لوتي سألوه: امك حية گال لا عگربة گالوله لا يعني هيه عايشة گال لا خديجة گالوله قصدنا عدلة گال لعد قابل عوجة.
.
52) مصرية تعاركت ويه وحدة بدوية گالتلها غوري گتك نيلة گلتلها انا غوري يادلة الگهوة
54) دليمي گلله الطبيب يومية تمشي 10 كيلومترات خابره ورا شهرين گلله دكتور اني هسه بعرعر ارجع لو اطلع گبل .
55) ناصرية صب لأبوه گهوة گلله ابوه شخبار الخباثة گلله نص الدله ديتول .
56) دليمية گالتلها جيرانها اني مسوية ميك اب گالتلها واني مسوية شيخ محشي .
57) طيار دليمي وگعت بيه الطيارة لمن لگوا الصندوك الاسود سمعوه يگول للمساعد ماتفكلنه جامة الشباك شوية ما احتريت .
58) كردي دخل لمحل تجهيزات رياضية گله كاكا ماعدكم احذية مال هجوم .
59) عجوز شافت جني گالت اعوذ بالله منك ومن شكلك .گللهه شلونج هسه انتي عاد .
60) فد چلب گاطع الشارع عالرايح والراد گالوله ولك ليش متصير ادمي گال لعد شلون اصير كلب ابن كلب
61) كردي يشتغل بالتنقيب عن الآثار ديحفر طلعتله طابوگة جمهوري ركض للمدير يصيح استاذ لگيت الدوشيش مال
حمورابي .
63) دليم اثنين ديلعبون شطرنج كلما يموت جندي ينصبوله فاتحه 3 أيام .
64) كصير تزوج كصيرة جابوا قزم طهروه خلص .
65) حواء گالت لادم تحبني گلها ليش هو اكو غيرج .
66) اقدملك نفسي الأخضر الأبراهيمي تشرفنا واني الأحمر الدوري .
67) عتوي گال لبزونة ناااو كلتله نيو نوت ناااو .
68) طبيب اطفال راح يخطب گالوله چان كملت دراسة ؟
70) واحد أخذه ابوه لفاتحة حتى يعلمه الأصول سأل أبو الميت شلون مات گال دعمته سيارة گلله شجابه عالسيارة شجابه عليه وره فترة راح بوحده لفاتحة سأل شلون مات گالوله موت الله كال شجابه على الله شجابه عليه .
74) دليمي راكب بهليكوبتر گال للكابتن بروح أبوك ما تطفينه المروحه الفوك تراهه بردت شويه
.
75) كردي سمع ان اهل الفلوجة مسويلهم چم عملية .گال شنو يعني صباح اللبنانية وحدهه مسوية عمليات أكثر منهم .
76) واحد راح يشتري دوه لأبوه من الصيدلية رجع لگاه ميت گال شوف السخيف .
77) بدوي بأمريكا شاف بعير گال يمه شنوهالوحش التفتلا البعير وگلله علينا يا گطران .
78) دليمي هو ومرته فات من يمهم صاروخ صاح بمرته إنبطحي ولچ گالتله هو هسه وكتها .
79) لبناني تعرف على وحدة صينية گاللها شو اسمك گالت مي ـ شان ـ شو. گال ميشان نتعرف .
80) حرامي كمشته وحدة سمينة حيل نامت عليه وگالت لزوجها بسرعه خابر الشرطه گاللها زوجها: هو شگد الرقم گلله الحرامي 111 بسرعة يمعود.
81) ابو بريص سكران يگول لصاحبه والله لوما الشرب والنسوان جان هسة اني صاير تمساح.
82) سألوا دليمي انت اتدخن گلهم والله من امشي ما اباوع ورايا .
83) كردي لگه كنزگال بقت بس الخريطة .
84) كردي سمع ان الجزر يقوي النظر.. راح اشترا گونية جزر وگعد يباوع عليها.
85) واحد گال للبگال عندك سكر ؟ گال نعم . گال الحگ الصليب الاحمر جايبيلكم خوش ادوية .
86) محشش فتح الثلاجة شاف الجلي يرجف گلله: لا تخاف ما اكلك جيت اشرب مي بس .
87) مصري اشتغل حمله دار گال للحجاج: إزا شديتوا حيلكو معايه نرگع أبل العيد بأزن الله .
88) مصلاوي مات ابوه گلله المغسلچي انطيني 10000 دينار مال الغسل . گال إشدعوه قابل مغسل بي أم .
89) واحد توّه گايم يصلي راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره
الى ان طگت روحه وگاللهم اگلكم ترا هسه ابطل هي صلاة لو ضربة جزاء .
90) اكو فد گمل وگملايه ستوهم متزوجين گاللهه: وين تحبين تگضين شهر العسل گالتله يمدحون بشعر هيفاء وهبي .
91) وحدة تگول لزوجها جيرانا كلما يطلع يبوس مرته ليش ما تسوي مثله ؟ گللهه تعتقدين توافق ابوسه
92) مصلاوي واگف بالبلكونة إبنه إجه من بعيد يصيح بابا بابا بابا بابا گاله ولك ابن الكلب بابا وحده كافي .
93) مصلاوي مات لگوا بوصيته مكتوب ( اني غاسل لا تغسّلوني ) .
94) تلاثة من الناصرية رادوا يبوگون بنگ فقسموها بيناتهم واحد يبوك و واحد يراقب و واحد يروح يبلغ الشرطة .
95) شيخ جامع من الناصرية قرريسوي محاضرة للعميان عنوانها : نعمة البصر.
97) كردي سمع صفارة الانذار شرد گالوله تره ديجربوها گال : واني همينه دا جرب الشردة .
98) واحد احول ماشى بجنازة امه يصيح آخ ياويلي هم امي وهم خالتي .
99) أحول تزوج على مرته طلعت هيه نفسهه .
100) واحد باك سيارة راح يبيعها انباگت منه گالوله بيش بعتها گال بفلوسها .
101) خروف خانته نعجة وگف تكسي گلله اقرب مطعم باچة أخره بهيچ حياة .
102) صرصر گاعد ويشتـّم بأهل تلكيف .. گالوله ليش گال ماظل واحد من العشيرة ماشفطوه .
103) جريدة بالناصرية نشرت صورة واحد اعمى دا يعبر الشارع كتبوا جواها (متى تنتهي هذه الظاهرة) .
104) شيخ جامع ستوّه متخرج گعد يخطب بجماعة من عطس منكم عطسة ولم يتبعها بـ( الحمد لله) فهي باطلة.
105) كردي ودة البغل للضريبة العامة شبعوه كتل گال والله عبالي الزريبة.
106) محشش گال للبگال: عندك جگاير كنت گلله نعم . گال : اني همينه.
107) دليمي قرا بالجريدة إنه بالصين كل دقيقه ينولد طفل گال هذا التطور خو مو مثلنا كل 9 أشهر .
108) اثنين سكاره وگفهم شرطي المرور گال شاربين گالوا لا . گال لعد ليش ثنيناتكم عيونكم حمر گالوله مو إحنه گرايب .
110) أحول يتحارش بوحدة حوله گاللهه : اللي عاليمنه احلى وحدة . ردت عليه اما صدك انتو جوگه مال ادبسزيه.
111) محشش ضرب عمود احولّ گام يسمع الواحد اثنين.
112) دليمي مخيم بالصحراء دخل عليه واحد گلله اني تعبان من الشمس گلله تشرفنا واني حمادي من الأرض .
113) كردي حزّر صاحبه گلله اذكرلي اسم حيوان برمائي گلله: تمساح . گلله بعد حيوان ثاني گلله تمساح ثاني .
114) طالب بدوي گلله المعلم اذكرلي اربع حيوانات؟ گلله چلب وتلث بعران إستاذ .
115) سوداني سجل بمدرسة مسائي حتى كلما ينطفي الضوة يضحك حتى لايسجلوه غايب .
116) واحد افرار من الجيش گطعوله اذاناته گام يكثر من اكل الجزر گالوله ليش گال إذا ضعف نظري وين أعلگ النظارات .
118) واحد الفگر ثاولة ضحك للدنيا تفلت بوجه .
119) واحد يشتغل بالمعارض مال البياع اجاه مولود گال للممرضه الله عليچ لاتغسليه خليه بترابه .
120) اكراد زوّرو ابو العشر تالاف كشفوهم شلون لأن كاتبين عليه : ام عشرة الف .
121) بأنفجار مقر الأمم المتحدة ببغداد راح كردي يدور على صديقه فوگف يم واحد صيني متمدد عالسدية ويصيح (شن شان شو شي شا) گال الكردي يمكن ديوصي خللي اكتب الوصية فلمامات الصيني اجوي يقرون الوصية لگوا الترجمة تعني (ولك وخر رجلك عن صوندة الأوكسجين تره راح أختنگ وأموت) .
122) واحد صعد بتكسي گال للسايق لنادي الشباب من رخصتك گله متناديهم انت ليش اني اشتغل عند الخلفوك
123) دليمي نغمة موبايلة صوت فناجين يگول موبيدي من زود المرجلة .
124) حرامي نجح ابنه گلله ابني شنوا رأيك بسيارة الجيران ؟
125) غنام بليلة الدخلة ما لگه موضوع يحچي بيه گال للعروسة ماعندج علم اذا اكو طليان للبيع منا منا ؟
126) واحد كردي كمشوه بالمطار عنده بودرة بيضة گالوله شنوا هذي هيرويين ؟ گال لا هذي جمرة خبيثة الهيرويين هنا بهذا الجيب .
127) احول لگه فردة نعال گال شلون صدفة كلما ألگه زوج نعل يطلعن متشابهات .
128) واحد كردي طلگ مرته راحت تلم هدومهه گلهه اگول اشوا مثل الچنچ زعلانة ؟
129) واحد تعارك ويا مرته شمرها من الشباك وكعت بالشارع شافها واحد سكران گام باسه هيه هم باسته السكران صفن... گال عجيب بعدهه تشتغل لعد ليش ذابيها
130) الصوماليين رجعوا شاحنات المساعدات مال الأدوية للكويت گالوا شنسوي بيها اذا كلها ورا الأكل .
131) دليمي قدم على وظيفة گالوله شنو شهادتك ؟ گال ابتدائية واعرف واحد يدرس بالصناعة .
132) وحدة گالت لرجلها انته ليش اسلوبك ويايا حقير گلها على طاري الحقارة شأخبار أهلچ ؟
133) كردي سألوه شنو رأيك بالزواج المبكر ؟ گال والله كلما من الغبشة احسن .
134) مدرس سأل طالب كردي گلله : ابني شتصير من تكبر ؟ گلله شايب استاذ .
135) واحد كردي سأل صاحبه كله ابوك الله يرحمه اشو من مات ليهسه ماسمعناله خبر .
137) مصلاوي مات وخلف 24 ولد و 2650 دينارلكوه كاتب بالوصية : اشتروا بيهن صندوق بيبسي وتقاسموه بيناتكم .
138) دليمي اشترا لابنه شبح گلله مشي بيها حالك لما احصلك لادة زينة .
139) دليمي گال لمرته اليوم اريد منّچ جو رومانسي خابرت امها سألتها : شنو رومانسي ؟ گلتلهه: والله يمه ما اعرف بس للإحتياط نگعي التمن وإسلگي اللحم .
140) عشرة اكراد خطفوا طيارة فارغة واتصلوا بالحكومة اذا ماتنفذون مطالبنا تره كل ساعة نقتل واحد من عدنا .
141) كردي عطس يم مصري ترس وجهه تفال المصري گال له انت ارفتني الكردي رد عليه والله يمكن ارفك بس ناسيك .
142) دليمي راح يحلل بوله گالتله الممرضة: بولك سكر جاوبها: انتي اللي خراج عسل .
143) كردي راح لطبيب امراض زهرية گلله: دكتور زهري يوجعني.
144) كردي فاتته التاتا لحگه بتكسي .
145) گصاب مات شيعوه الچلاب .
146) مدير نادي تأهيل المعوقين من الناصرية اول ماتعين گاللهم: حضروا حالكم باچر عدكم سباق طفرموانع .
147) واحد ديتعرف على بنية گلهه تشربين ؟ گالت لا . زين تدخنين؟ هم لا . عندج علاقات لا . گال معقولة؟ گالت ملليت من هالشغلات .
148) واحد گال لصاحبه تكتم السر؟ گلله سرك اببير . گلله زين ادايني چم فلس ؟ گلله شوف ولا چني سمعت .
149) ابو معرض سيارات بالبياع . سألوه : منو أفضل المطربين بنظرك؟ گال مايكل داتسون و مازدا الرومي .
150) واحد سأل صاحبه شنوا اخبار الوالد ؟ بعدين تذكر ان والده ميت فكمل بسرعة بعده بنفس المگبرة ؟
151) كردي احترك محله گالوله: خو ماخسرت هواية ؟ گال لا الحمد لله چنت مسوي تنزيلات.
152) واحد صادقله مخلوق فضائي . گلله صدك الدقيقة عدكم بمليون سنة ؟ گلله اي گلله: زين وصدك الدينار عدكم بمليون ؟ گلله هم اي . گلله زين ماتنطيني فد دينار . گلله انتظر فد دقيقة.
153) حشاش راح للبنزينخانة گللهم اريد قنينة غاز. گالوله روح جيب وحدة فارغة . گال لا اشربها هنانة.
154) طنطا بالصحراء يندعي يا الهي اريد مي حتى لو قطرة هناك نزلت عليه قطرة گام بلل بيهه گذلته .
155) نعجة بالسجن سألوها ها همينه دعارة ؟ گالت لا هالمرة كمشوا عندي حشيش.
156) كردي سألوه شتحب اتصير بالمستقبل ؟ گال خبير روسي .
157) كردي مات ابوه گال للدفان بيش ارخص گبر؟ گلله بالميت تسعين الف . گلله زين واذا الميت من عدنا ؟
158) كردي راح للدكتورگلله دكتور عندي مغص قوي. گلله الدكتور طيب انت ماكل شي؟ گلله شنو دكتور قابل اريد
اجربك ؟
159) مصلاوي گال لولده اللي مايتعشه اليوم انطيه الف . گاموا كلهم ماتعشوا واخذوا الف الف . بالليل گام باك فلوسهم الصبح گاللهم اللي مضيع الالف مالته ميتريگ اليوم .
160) دليمي راد يطور الموبايل گام حط بدال الدگم سحابة .
161) واحد ناصرية جبروه يتبرع بربع راتبه لدعم الانتفاضة گام تبرع بالباقي لاسرائيل .
163) ياباني بالسماوة راح يشتري عشرقواطي كوكاكولا گال لابوالمحل توكوهاتاهو توياكاكولا . گلله ابو المحل عشر قواطي شنو ؟
164) ناصرية شاف واحد يصيح راح اغرك الحگني يمعود . گاله اخي هذا يومك وهذي ارادة رب العالمين تعذرني .
165) كنغر سأل مرته وين الولد ؟ گالتله هذا بجيبي گالهه لا والله جديات مو وكت شقة وينه ؟
166) عتوي لحگ بزونة شردت منه فسحگته سيارة اجه يم راسه گاللهه هسه خللي شرفج يفيدج .
168) واحد راح للشيخ يسأله گلله شيخنا . عندي جن بالبيت شسويله ؟ گلله حطله عصير ليمون واندعيلي .
169) سألوا واحد شلونك ويه رمضان هالسنة ؟ گال والله لوما الوضوء چان متنه من العطش.
170) سكير صلى العصر ركعتين گالوله تره العصر اربعة. گالا اعرف بس جاي اخفف لأن ناوي أترك .
171) سوداني راح يشتري جگايرگال لأبو المحل كنت ابيض . گلله ابو المحل لو تحلفلي ميت يمين هم ماصدگك .
172) سكير سأل شيخ جامع گلله صحيح الصلاة ماتصير اذا الواحد شارب ؟ گلله طبعا گلله شنو رأيك سويتها وصارت ؟
173) واحد راح يشتري ستلايت گال لابو المحل ما عندي فلوس توافق اذا انطيك بدال الستلايت موبايلي ؟ ابو المحل وافق . گام صاحبنه گلله اكتب يمك صفر سبعة تسعة صفر واحد مكرر واحد مكرر سبعة مكرر اربعة .
174) اخطبوط يبچي گالوله ليش ؟ گال لأن ما اندل إيديّه من رجليّة.
175) لبناني تزوج كردية گاللهه صحيني بكير وقليلي بيضتين هيه همينه الصبح گلتله اكعد بيضتين.
176) دليمي وده ابنه لمدرسة المتميزين گللهم جبتله لعبة مكتوب عليهه 3 الى 9 سنوات بس هو ماشاء الله حله بسبع تشهر.
178) فلسطيني راح لمكة شاف الناس تشمر حجار گام جاب تاير وحرگه .
179) واحد سأل صيدلي كردي گلله عندك دوة مال صراصر؟ گلله خير شبيهن؟
180) كردية رادت تگتل رجلهه ... حطتله مسدس بالشوربة.
181) واحد گاعد بالطيارة يم جيمس بوند بس مايعرفه سأله شسمك ؟ گال له : بوند ... جيمس بوند.. و أنت شسمك ؟ گال له : هيم.....إبراهيم.
182) واحد گال لأبو المطعم : عندك أجنحه ؟ گلله إي .. گلله لعد أريدك تروح طاير وتجيبلي نفر كباب.
183) دليمي گال لصاحبه سمعت بهذا اللي وگع من عمارة عاليه و3 أيام يلا وصل للگاع؟ گلله: ومات؟؟ گلله:
شوف هذا الغبي يگللي مات..أگلله3 أيام لا أكل ولا شرب شلون مايموت؟
184) توأم شاف أخوه گلله وينك يمعود مو أهلي طهروني مرتين .
185) كردي سمع كلمن يموت بساعته گام كسرهه .
186) أحول طلع من السينما فرحان... شايف الفلم مرتين.
187) معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.
188) فلاح مربّي أرانب بالمزرعة مالته كل يوم يوكلهن 20 كيلو جزر.. آخر شي ضاج گام شلع سنونهن... إجه ورا يوم شاف الجزر خلصان.. گاللهم: وين الجزر؟؟ گالوله: ثويناه عثير وثربناه .
189) واحد گال لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوك جنطهن .. هالمرة صاحبه گلله: لعد آني يسموني منشف ريگ البنات... گلله: شلون؟؟ گلله: من كثر مايتفلن عليه.
190) واحد ناصرية ديموت.. بأخر نفس يوصي ولده بالخباثة... أخير شي راد يتشاهد گام الزغير سد حلگه .
192) جحش گال لصاحبته كل أمنيتي أكبر وأصير زمال وأجي أخطبچ من أهلچ.
193) كردي عالبحر مغمض ويغني.. گالوله: الظاهر إنته منسجم ؟ گال لا اني من كلار
194) واحد ترك الصلاة أيام الإمتحانات گال : أريد أعتمد على نفسي.
195) واحد گعدته أمه لصلاة الجمعه.... گلهه: ما أروح للجامع اليوم .... راح ينقلوهه مباشر.
196) دليمي طلع من السينما گالوله: شلونه الفلم؟؟ گال: ليش هو آني لحگت أسلم عالگاعدين حتى أشوف الفلم؟؟
197) مصلاوي طاح من السطح.. هو وواگع مر على شباك المطبخ.. گال لمرته: لتحسبين حسابي عالعشه.
198) حكم كرة قدم محشش مر من يم جامع . سمع الشيخ يگول: الله هو الغالب، الله واحد... گال: لعد ذولاك أكيد صفر.
199) وحدة شردت من أهلهه ركبت تكسي گاللهه: وين ترحين ؟ گالتله : آني لأهلي ماگلتلهم.. أگللك إلك ؟
200) دليمي دزلمرته ثريات ثنين كرستال خابرهه: شنو رأيج بيهن؟؟ گالتله: حلوات حيل... بس مو شويه كبار على الإذانات.
201) ايراني تزوج يابانية صار عدهم ولد سموه: آية الله ساسوكي .
202) كردي اجه يدخل للبار شاف مكتوب : ممنوع الدخول دون 18 سنة راح جاب 17 واحد وياه .
203) كردي گالوله: إذا تريد تصارح صاحبتك.. إشمر عليهه وردة... رجع گاللهم: ماتت...كالوله ليش؟ كال نسيت أشيل الورده من المزهرية.
204) دكتور مال حولان همينه احول اجاه مراجع گلله إدخلوا واحد واحد مو ثنينكم سوه... گلله ماجاي إلك جاي للطبيب اليمّك.
205) دليمي احترك بيته إجوا الأطفاء.. گللهم: بالحرام ماتطفوها اذا ماتتعشون
206) أصلع مات أبوه هلّس شعر رجليه .
207) صرصر كاشخ عل الاخر ... وگف تكسي ... گلله: بلوعة 25
208) واحد كتل أمه وأبوه.. گال للحاكم: شكيت بيناتهم علاقة عاطفية
209) صرصر إنتحاري فجر نفسه بمعمل الـ(بف باف).
210) وحدة وگعت بالدرج إنفصخت رجلهه انطاهه الطبيب مرهم گللهه حطيه على مكان الوگعه راحت حطته عالدرج.
211) عتوي مضوج بزازين المنطقه جابوله بزون شبعه كتل... گلله شلون گدرتلي واني اقوه عتوي بالدربونة ؟ گلله لأن آني چنت أسد بالصومال بس من المجاعة إنگلبت بزون.
212) واحد كردي اشتره من سوك مريدي حليب طلع إكسباير گام زور التاريخ مالته وشربه .
213) وحده رجلهه بالخارج خابرته گلتله اشتريت سياره شبح.. گلهه: إبشرفچ ؟ گللتله: لا لعد بالورقه مالتك اللي تدزلياهه كل تلث تشهر؟
214)كردي الله رزقه بعماره إشتغل بيهه حارس.
215) جرادة سكرت إكلت الأخضر واليابس .
216) واحد لبس جواريب خضر.. لأن خضر لبس جواريبه.
217) كردي دخل فندق خمس نجوم راد يروح للتواليت شاور الموظفة وين التواليت رجاءاً ؟ گالتله ها التواليت ؟ اسأل بالجهة الثانيه . راح إلها من اذانها الثانيه وشاورها العفوا وين التواليت رجاءا ؟
218) كردي لازم فردة حذاء ويعامل أبو المحل: كاكا بيش هذا الحذاء ؟ كال بسبعتالاف .كال الكردي زين واذا اخذنا الفردتين متنزللنه شويه من السعر ؟
219) كردي شاف واحد غرگان ويصيح ياناس ياعالم ما أعرف اسبح گاله عبالك بالصياح تگدر تتعلم سباحه ؟ لا بابه لا.. عافه وراح .
220) كردي گال لابو الصيدلية أريد فد مرهم لابني الزغير.. الصيدلي گله واني اشتم گفه إيدي غير تگوللي شسمه ؟ كله… خادمك آزاد .
221) دليمي سأله صاحبه: مالگيتلك مصري يساعدك ؟ گله والله لگيت سوداني شغلته مصري عندي .
222) طلي زغير يسأل أمه مااااا.. وين بااااا؟ گالتله: باااااا امباااااااع
223) واحد گعد يندعي بليلة القدر راد يگول: ياإلهي.. متسويني مثل ابن (خربيط) بالغلط گال ياالهي متسويني مثل ابن (خريـبط) .. گعد الصبح لگه بباب البيت عربانه ام الزمال .
224) حشاش گال لابو التكسي : توديني وين ؟ وادفعلك شگد ؟ أبو التكسي هم محشش.. گله أنزل هنا وإدفع شگد ما يعجبك.
225) واحد مصادقله مصري گله تدري الحياة كلها مئاسي المصري گله ليه هوه مئاسك كام ؟
226) عجايز تلاثة رادن يتزوجن .. كتبن إعلان (تزوج واحدة .. وأحصل على إثنتين مجانا).
227) صرصر مرته زعلت وراحت يم أهلها .. راح يصالحا گالتله : ما أرجع إلا تسجل البلوعة بأسمي .
228) بطل بيبسي يبچي.. يگول ليش السفن ابيض مني
229) دليمي كل مرة يطبگ باب الثلاجة على كيفه گالوله ليش ؟ گال أريد أعرف منو يطفي الضوة جوا ؟
230) واحد راح للطبيب گله دكتور عندي حالة نسيان شديدة گله الطبيب ومن اشوكت عندك هذي الحالة ؟ گله ياحالة دكتور؟
231) دليم تلاثة اخذوا مقاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن .
232) واحد گال للحلاق تره صارلي ساعتين هنا . الحلاق كردي گله شنوا يعني اني صارلي سنتين هنا .
233) وحدة سمينه حيل أشّرت لأبو الربل (عربانة أم الحصان) گله يلله اصعدي بسرعه لا يشوفچ الحصان .
234) احول دخل بالجيش حطوه بقسم القصف العشوائي
235) تاجر مصلاوي شاف روحه يوزع فلوس بالحلم صحه من النوم گال التوبه إذا أنام بعد.
236) واحد متدين بالجديد أتصل على الأم بي سي گالوله : شتحب تسمع ؟ گال مقطع من اذان المغرب بصوت مايكل جاكسون .
237) كردي گام يطفي الضوه لگاه محروك .
238) بدوى اول مرة يشوف فلبيني گال هنياله شبعان نوم
239) دليمي عمره 8 سنوات يسوق سيارة سالوه منينلك ؟ گال كتبت لأبويه ويا القرطاسية مقطاطة أم السيارة
جابليّاها ويا المقطاطة
240) واحد گال لخطيبته اشچانوا يدلعوج وانتي زغيرة ؟ گلتله ميمي وانت ؟ گلله ابو خنينة .
241) كردي ضيع مفتاح سيارته اجوي الناس يساعدوه فتحوله باب السيارة بالدرنفيس گام سوه نسخة من الدرنفيس .
242) دكتور كسور وعظام كلما يطلع بالليل تلحگه الچلاب
243) واحد ناصرية سكن بالنجف يوميه ياخذ المسجل مالته ويروح للمگبرة ويفتر بين الگبور امعلي صوت المسجل على اغنية (الحياة حلوة) .
244) مصلاوي سأل مرته إشطابختلنه اليوم ؟ گالت باگلة ودهن . گللها حيل طبختين بفد وجبة .
245) ديچ تحارش بدجاجة ردت عليه بخشونة گلله وعلى شنو امتنگة . ذنيچ الدجاجات مصلخات بالمطاعم ومحد بحالهن.
246) الاكراد سووا مظاهرة تضامن ويا الفلسطينيين لبّسوا واحد منهم شارون وحرگوه .
247) واحد راح للصين فلمن رجع فتح گهوه سماهه Fin-Jan-Chai .
248) واحد حب يتذكر ايام الطفولة... بال على نفسه .
249) دليمي راح للصيدلية طلب كارتونين نيفيا الصيدلاني گلله اشدعوه هالكمية ؟ گلله الدليمي يمعود بس خادمك حمودي يتريك باليوم باربع علب .
250) واحد باك بطة من جيرانه ثاني يوم الصبح شاف جيرانه گله صباح الخير يابطة
251) كردي اشتره حذاء فگال . ابو المحل تره أول تلثتيّام راح يزعجك بالمشي گام لبسه رابع يوم.
252) فد ولد واهسه بالبلي ستيشن فلمّن مات ابوه كتب على گبره Game Over
253) كردي بالنجف شاف جنازة فراد يگول : انتم السابقون ونحن اللاحقون مادبّره فگال (انت يروح وبعدين انا يجي) .
254) واحد كردي گالوله احلف راح كتل ابوه ورجع گال وروح ابويه
255) ديچ معلگ بالصالة صورة بيضة كالوله شنوا هاي كال صورتي من جنت طفل
256) طفل لوتي گله ابوه ولك ليش المعلم كاتبلك حمار بالدفتر ؟ گال: لا بابا هذا توقيعة .
257) نجفي دفان خلصت الحرب بعد ماكوا جنايز هوايه گلبه محل فواكه وكتب لافته (الموز حق)
258) واحد كردي راح للدكتور كله دكتور لما احط ايدى على عينى ما اشوف شي كام الدكتور زرفله ايده .
259) كردي مرته جابت توم گلها تگليلي منوا ابو الثاني لو هسه اذبحچ ؟
260) ام اربعة واربعين رجل تزوجت ابو اربعة واربعين گضوا ليلة الدخلة كلها بس نزع قنادر .
261) فقير جوعان گال لواحد ناصرية انطيني أي شي اكله جزاك الله خير.. گام انطاه فاتح شهية .
262) دليمي اول مرة يركب سيارة اشتري فراري فتح الراديو گالت المذيعة هنا لندن گال ايباه يلعن ابو السرعة .
263) چلب دايح بالشوارع شاف چلب بوليسي بباب مركز الشرطة كال أيباه ..بالله لو مخليني اهلي اكمل دراسة ؟
264) كردي بليلة الدخلة ما عرف اشلون يبدى الكلام ويه عروسته گلها: اهلچ يدرون انتي راح تباتين عدنا اليوم ؟
265) واحد ناصرية يرجم الشيطان وهو متلثم سألوه الناس ليش ؟ كلهم يمكن احتاجه فد يوم .
266) واحد يصلي بجماعة وچان اكوا نسوان همينه يصلن گال ولا الظالين ردوا امين گال اروح فدوه لهل الصوت
267) ناصرية دخل بالشتا يبوك فد بيت مالگه شئ بس لگه عجوز امگرمه وبردانة ومتغطية باللحاف گام فتح المكيف على اعلى درجة وطلع
268) امعيدي يغني على المسرح گله الجمهور مو هلكتنه . جاوبهم ولايهمكم بعد هذي الأغنية .
269) واحد احول سألوه إشتتمنى ؟ گال بنفسي اشوف واحد يمشي بوحده .
270) دليمي بيده موبايل ويصيح دوري زين الله يخليچ ..فمر من يمه واحد استغرب من صياحه فاخذ الموبايل منه لگاه يگول:الرقم غير موجود بالخدمة ..
271) اثنين انذال تراهنو منو الأنذل من الثاني فراح الأول ضرب رجال چبير يمشي بالشارع وگال للثاني شفت ما أنذلني ؟ فگله الثاني: مو انذل مني لأن هذاالرجال ابويه
272) مصري اشتغل بالسعودية راعي غنم .. رجع لمصر سألوه اهله كنت بتشتغل ايه .. گال : بأفسح المعيز .
273) ناصرية افرار عايش بغير مدينة تبرع لجيرانه بدم ثاني يوم گام جيرانه بلغ عليه .
274) ناصرية اشتغل بالدفاع المدني گام عبا خزانات الاطفاء بانزين بدال الماي .
275) شاعر يحب خدامة الجيران گال للبزون : يا هر يانايم في وسط الاقذار ..... ماشفت خلي يوم ذب الزبالة ؟
276) طليان اثنين كاعدين.. الأول گال ماااااااع .. الثاني گال سبحان الله هسة ردت اگولها..
277) واحد من المنصوراطوع للعسكرية سأله الضابط شتگول اذا قابلت العدو ؟ گال اگلهم ما احبكم .
278) واحد محشش اتصل على ناس گال هذا بيت سعد كالولا لا.. كاللهم لعد ليش تردون .
279) واحد ناصرية اتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گله نايم .
280) صخلة شافت طلي يبچي گالتله ليش تبچي ؟ گلها راح يذبحوني گالتله بعيد الشر... گال لا بعيد الاضحى .
281) واحد دايح صلى في جماعة بعد ما خلصت الصلاة گالوله ماشا الله عليك قرايتك حلوة . گال لعد لو تسمعوني من اشرب شراح تگولون ؟
282) كردي راح يعزي صديق بوفاة والده سأله وين مكان الضربة بالمرحوم گال فوق عينه.. گال هم زين ماجت بعينه.
283) ناصرية فتح شركة بيبسي كتب عالبطل رج البطل جيداً قبل فتحه .
284) محشش سأل مرته : عندج طماطة وبصل وبتية ودجاج ؟ گالت اي عندي. گال لعد سويلنا كيك .
285) محشش كامش الدجاجة ويضرب بيها ويگول يا بنت الكلب كل يوم بيض!! ماكوا فد يوم جبن .. گيمر .
286) محشش رجع للبيت متأخر مرته فتحتله الباب.. ضربها وگلها وين ليهسه متأخرة بنت النعال ؟
287) محشش يسوق تكسي اشّرتلا بنيه .. وگف گال وين تروحين ؟ گالت للشورجة گلها اوكي بس لاتتأخرين .
:
288) محشش دخل محل گال لأبو المحل: عندك جگاير روثمن؟ گال لا.. راح للمحل اللي بصفـّه گال زين وانت ؟
289) حشاش ضرب صديقه راشدي ، گال له : لك هذا صدك لو شقه ؟ كال لا صدك گال اي عبالي.. لان اني ما
اتحمل الشقه .
290) طفل گال لمعلمته:تدرين ست شگد اني احبچ وبلكي اتزوجچ ؟ فالمعلمة گالت : اي بس اني ما احب الجهال.. رد عليها الطفل: مو مشكله ست .. ما راح نسوي جهال.
291) حشاش يحچي ويّه روحه: مدري مواعد وحدة الساعه ثنتين ؟ مدري مواعد اثنين ساعة وحدة ؟
292) حشاش گال لصاحبه من احشش بعد ما اعرف اشتغل.. لذلك بطلت..گاله صاحبه: ها...يعني حضرتك هسه عاطل عن العمل ؟
293) حشاش مثقف گال لصاحبه: قل لي ماذا تقرأ أقل لك من أنت...فقال صاحبه: ماذا تقرأ ؟ رد عليه : من أنت ؟
294) حشاش سأل أبو المخضر: عندك فاصولية خضرة ؟ گال لا والله خلصت گال: لعد شظل عندك يالون ؟
295) قزم راد ينتحر چيّت من الرصيف.
296) قزم عطس طخ راسه بالگاع ومات .
297) دليمي بنا بيت مدوّر گال لمرته هم گولي بعد حابسني بين اربع حيطان ؟
298) اثنين دليم ديلعبون شطرنج.. الاول گال هيييه.. كتلتلك الحصان.. الثاني طلع شويه ورجع گال: وأني سممتلك الهوايش كلهن .
299) محشش راح للمطار يستقبل ابوه باس الجنطة وشال أبوه .
300) محشش نايم بالطيارة اللي يمّه كله: يمعود الطيارة راح تطيح ..گال وشنوا يعني طيارة اللي خلفونا .
301) كردي حصل بيتين بالجنة گام باع واحد وأجّر واحد وسكن عد گرايبه بالنار.
302) واحد راح يبوك بيت وحدة سمينة حيل كمشته وگعدت عليه وگالت لابنها: يمه محمود خابرلنا الشرطة.. الحرامي من يمه گام يصيح عفية بسرعة محمووووووود.
303) ابو بريص نايم بالمستشفى متكسر سألوه سلامات خو ماكوا شي ؟ گاللهم والله كالعادة نعال غفل
304) صرصر راح يعزي بوفاة صرصر ..سأل أهله:شلون مات المرحوم ؟ گالوا بذاك المرض اللعين...گال أيبااااه..هم بالشحاطة!!
305) صرصر بالأنعاش شاف صرصر لاخ جايبيه بالسدية گال ها أخويا هم شحاطة ؟ گال لا والله بف باف .
306) دجاجة وديچ شافوا محل شاورمة دجاج گللها الديچ شوفي هذا مصير اللي ماتسمع كلام زوجها .
307) دجاجه إنتحرت وكتبت على ورقة : خلّي( ماجي) ينفعكم..
308) طلي مغمّض ويصيح ماع.. ماع.. گالوله ليش تغمض؟ گال حافظها عالغيب
309) زمال راد يغازل صاحبته گاللها شوكت تتزوجيني يازمالة؟ گالتله من تحسّن الفاظك يا زمال !!
310) هايشة وگفت گدام المراية وگالت والله حرام كل هذا الجمال وياخذني ثور.
311) حيّة تبچي گالولها ليش ؟ گالت خمس سنوات إمخيله عله عربيد وبالأخير طلع صوندة .
312) واحد متعاجز حيل راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله: زين شيل راسك شويه..گال:لعد سويها شعر.
313) واحد يشتغل بالستلايتات..طلع ابنه من الأوائل گال : لا مع الأسف راح يشفروه ..
314) دليمي گال لمرته شراح ناكل اليوم ؟ گالتله: مسويه رجيم گال اي والله ماضايگه.
315) دليمي يم صاحبته دك عليه الموبايل ..طلعت مرته.. گال عجيب شمدريها اني هنا؟
316) دليمي راح يحج شاف الناس تشمر حجار گال: أيّباااااااه لهنا وصلت اسرائيل
317) كردي دعم اثنين بسيارته واحد مات والثاني متكسر.. گام المتكسر يصيح.. گال الكردي شبيك تصيّح اشو هذاك مات وكلشي ما گال.
318) اثنين مساجين كراد خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطة
319) كردي بالحرس الوطني گالوله : من تشوف الملاّ.. تضرب واحد وعشرين طلقة..گال واذا صوبته بأول طلقة...أكمّل الباقي ؟
320) كردي عنيد.. صاحبه دك عليه الباب گال منو؟ گال أني .. گال لا مو أنت.
321) كردي يصبغ السقف بالبويه گالت أمه : يمه خلي جريدة جوه رجليك.. گال لا ماما مايحتاج... انوش .
322) كردي گالوله شفنا واحد راكب ويه مرتك بالسيارة ومرتك تسوق بسرعة ، گال: لاتخافون عليها شاطرة بالسياقة .
323) كردي فتح محل ثلج.. ماعرف شيسمّيه..كتب محل المياه اليابسة . وراها كتب اعلان على باب محله: يوجد لدينا ثلج بارد جداً. بعد فتره من نجاح الاعلان كتب: ملاحظه المحل يفتح ليلاً ونهارا فقط.
324) كردي گالوله شنوا رايك اذا نوال الزغبي طلبت منك تنام وياهه؟ گال والله إذا مو كلش نعسان ما اگدر.
325) كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
326) كردي خابرته صاحبته گالتله: تعال اليوم البيت فارغ..طار من الفرح راح لبيتها ركض..بالباب وگف گال :لعد اني شكو جاي إذا البيت فارغ وماكو أحد؟
327) كردي سألوه شتسوي اذا ردت تصيد أرنب؟ گال اقلد صوت جزر.
328) كردي راد يبدل الگلوب ركب على چتف مرته وگاللها يلله افتري.
329) كردي طلّع الصوبه برّه البيت.. گالوله ليش؟ قال مو برّه أبرد من جوّه.
330) كردي يسبح بالشط ويندعي: يا الهي لاتموتني لخاطر المره والجهال..صديقه سمعه وگاله لك يامره ياجهال ؟
إنته يمته متزوّج..الكردي غمزله وعض له شفـّه.
331) كردي سكن بالرمادي گال له جاره: عود فنجان الگهوه مالتك يمي گال الكردي: أي والله يمكن واحد من الجهال شمره عليكم.
332) كردي گال للدكتور دكتور كلما أشرب چاي عيني توجعني..گال
الدكتور طيب كلما تريد تشرب الچاي وخّر الخاشوگه.
333) كردي شاف گشر موز بالشارع گال اوهوووو..شلون شغله ؟ هم راح نزلگ!!
334) كردي وگع من جبل...صاح الحگوليييييييي..چيتوا الاكراد كلهم وراه.
335) سبعة اكراد سوو عصابة سموها(سي قهره ماني كان) اي الأبطال الثلاثة
336) دليمي سأل ابوالمحل عندك تلفزيونات ملونة؟ گال نعم.. گال لعد فد واحد ازرك للجهال الله يخليك.
337) دليمي عنده ارق ميگدر ينام گالوله عِد للمية تنام .. وصل للخمسين نعّس.. گال: اگوم اغسل وجهي وأكمّل للميّة.
338) دليمي كمشله مصري يريد يبسطه.. گال المصري(سبني ياوله) گال الدليمي(والله لانعل أبوك لابو الخلـّفك).
339) دليمي أتصل بالأطفاء گاللهم: شنوا إذا ماكوا حريق منشوفكم يعني؟؟
342) دليمي راد يتعرف عله بنيّه گالله شسمچ؟ گالت:أسماء.. گال: أها..يعني مو إسم محدد؟؟
351) كردي گال لجماعته: والله خدمات الحج بالسعوديه حيل محترمه وأنصحكم من تريدون تحجّون لا تروحون غير للسعوديه.
352) دليم اثنين دا يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.
353) فيترجي كردي اشتره چربايه نام جواها وصاح على مرته ناوشيني سبانه تلثطعش
354) دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
355) فد واحد متعاجزتزوج وحده حامل گال والله لأن مالي خلگ لليلة الدخله.
356) مصلاوي گال لجهاله اللي ينجح هالسنة اراويه سيارة الموطا.
357) مصلاوي أحترك بيته دك عالأطفاء مره وحده وسد التلفون.
358) تلث مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟
359) من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزيز..مو روحي طلعت من هالأكله لو تغيرها.. لو تسمّي قبل الأكل.
360) دليمي گال لأبنه إذا تنجح اجيبلك مدرس خصوصي مُـلـُـك.
361) مدرس سأل طالب كردي گاله: أبوك شگد عمره گال ما أدري أستاذ بس هوّه من زمان عدنه.
362) دليمي خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هو منو.
362) دليمي يسوق تكسي ركبوا اثنين رايحين لملعب الشرطه گالوله:إذا ممكن لنادي الشرطه الله يخليك.. گال: ليش متحلّوهه بيناتكم اخوان.
363) دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
364) دليمي سوه عملية رفع كليه فنجحت العمليه گال والله مدام هيچ لآكررها.
365) گالوا لدليمي :شنوا رأيك بالموز؟ گال والله طيب لوما نوايته چبيره.
366) دليمي أشتره مرايه ويباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..
367) دليمي أشتره سياره شبح كتب عليها تره: ميخوّف موعبالكم.
368) دليمي وگـّف تكسي گال له: فارغ ؟ گال نعم گال متنزل نسولف شويه نگضي وكت.
370) لبناني يحج بمكه ..عطس گال له السعودي يرحمكم الله فرد عليه اللبناني حبيب ألبي مرسي لالله
371) دليمي كمّل دراسه بالخارج ورجع لأهله شاف عدهم زمال .. گال :الحمد لله كمّلت دراسه من دونهم.
372) دليمي گال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.
373) واحد من الناصريه سوه حفلة زواج.. وزع بطاقات بيهه الجمره الخبيثه.
374) واحد من الناصريه إشتغل مدير دار الأيتام..گاللهم راح أسوي أجتماع مجلس الآباء.
375) حرامي من الناصريه طب لبيت يبوك مالگه شي..خابر رقم بأمريكا وخله السماعه مرفوعه للصبح.
376) صرصر من الناصريه عزم جماعته عالعشه يمّه..أول ما إجوا..سحب السيفون عليهم.
377) برميل سأل صاحبه وين هالأيام؟ اشو متنشاف؟ گال والله موفارغ.
378) كردي فتح باب السياره يريد ينزل شاف المطر قوي.. سدهه ونزل من الباب الثانيه.
379) دليمي گال لأبوه: بويه أريد (كيري).. گال له أبوه: والله ماتاخذ غير بت عمك.. گال له: بويه كيري جبنه.. گال أبوه: وبت عمك گيمر
380) مصلاوي تزوج راح شهر العسل بوحده.
381) محجبه لابسه قصير.. گالولها ليش؟ گالت حتى أرضي الله وعباده.
382) كردي ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.
383) كردي ديسوق دعم اللي گدامه..نزل ذاك گال له: شنو.. چنك ماشايفني؟ گال: والله شايفك.. بس ما أتذكر وين.
384) أحول إتزوج عله مرته طلعت هي نفسها.
385) كردي راح يشتري حشيشه.. شاف الشرطه بالشارع.. ذب الفلوس وأنهزم.
386) كردي سال أبوه: بابا منين چنتوا تشربون ماي گبل؟ گال أبوه: من العيون إبني.. گال: بابا لعد ليش هسه من الحلوك؟
387) كردي انسرقت سيارته ركض وراها ورجع گال هم زين أخذت رقمها .
388) كردي سوه دعوة لسرقة سيارته..گالوله شگد رقمها؟ كال والله ثمنتالاف.. وثمنميّه.. بهل حوالي.. المهم أقل من تسعميه.
389) كردي شاف واحد ويه مرته.. جر المسدس عليه..ذاك گال: لك كاكا هذي الكاميرا الخفيه.. الكردي گال خره بعراضكم.. ماكو غيري؟.. هاي خامس مره تنكتون بيّه.
390) كردي حشاش دينظم ميزانية المصروفات گال:هاذي ألف للكهرباء.. هاذي للأكل.. هاذي للحشيشه.. اندگت الباب رأسا.. وإذا الشرطة.. گام رأساً شك فلوس الحشيشه.
393) كردي خابر الشرطه گاللهم: أكو حادث بيه خمسين سياره مگلوبه.. إجوا لگوه يخابرمن يم السكراب مال كسره وعطش.
394) كردي دخل عالمُلاّ رافع أصبعين(علامة النصر)..گال الملاّ: ها إنتصرنا؟ گال: لا بقينا بس إثنين.
395) كردي محشش كمشوه الشرطه گالوله : تفضل بالسياره ويانه..گال:لا شكراً بيتي قريب.
396) كردي زعلان ويه عائلته..دزلهم رساله فارغه.
397) كردي گال لمرته: اليوم تخرجت من الكليه.. گالتله: ليحسدوك على ذكاءك.. دُك الخشب.. گام دك عالقنفه.. گالت: منو؟.. گالهه:گعدي إنتي..... أني أفتح.
398) شيخ جامع دخل على جماعه يحششون.. گاللهم: حرام عليكم.. گالوله كلهم: وعليكم الحرام ورحمة الله شيخنا.
399) دليمي گالوله شنوا أصعب موقف بحياتك؟.. گال من ازين لحيتي وأني أعلج
400) واحد كردي گال لمرته خططي ظهري مربعات ورقميه من الواحد للميه وحكيلي رقم 72
401) دليمي ديمشي عالجسر ويگول: أيباه غير بالكونه ضخمه!!
402) كردي راح لطبيب عيون گالّه: دكتور من أغمض بعد مأ أشوف...
403) دليمي سألوه: إشگد كلفتك الروحه للحج؟ گال: خمسطعش ورقه غير المشروب والكاولية.
404) محشش يگول لصاحبه تصور كيلو اللحم بنص دينار صاحبه گال عجيب وين هاي گله دا أگللك تصور.
404) دليمي الله وفقه بنه بيت ضخم الباب مالته من زجاج.. گام حطلهه عين سحريه.
405) مصلاوي زوّج ابنه گاله بابا.. تره هذي إنت وأخوتك بيها.
406) كردي سأل صاحبه: اليوم سبت لو أحد؟ گال اليوم ثنين.. گال: سبحان الله.. چفته وحده!!
407) كردي اتهموه بسرقة سيارة..گال: ماكو هيچ شي فتشوني.
408) دليمي اشتره لمرته علبة كريم مغذي بشره.. گعد الصبح لگاهه تريگ بيها الجهال.
409) دليمي تزوج.. سجل الخيمه بأسم مرته.
411) دليمي ماشايف سياره خمسه گير.. أشتره وحده گال: شنو فائدته الخامس.. گالوله من تريدهه تطير بدل خامس.. وره فتره ديمشي شاف حادث بنص الطريق.. گال: أي إجه وكتك يالخامس.
412) كردي يسأل نفسه: منو الأطول.. الزرافه لو النمر أسرع؟
413) دليمي أهدت له صاحبته ببغاء.. وره فتره خابرته وسألته: شلونه الببغاء؟ گللها: عادي مثل طعم الدجاج.
414) دليمي ديعزي ناس.. فسألهم شلون مات المرحوم؟ گالوله بحادث سياره.. گال شنو أثول؟؟ ميشوف؟
415) حشاش عطس صاحبه گح گلله ليش تغير الموضوع؟
416) واحد من الناصريه طب للجنه قفل الباب وراه.
417) قزم راح يفصل قاط گال للخياط: شوكت أجي عليه؟گلله أخذلك فره بالسوك وتعال.
418) دليمي سافر بره دز لأهله صورته بلباس السباحه... دزوله ملابس.
419) دليمي معزوم بعيد ميلاد من خلصت الحفله گللهم: ياجماعه عود باجر عيد الميلاد عليّا.
420) دليمي زعل على مرته اجتي ترضيه گالتله: أسويلك مساج؟.. گال: لا متعشي بره.
421) مصلاوي گال: لابنه إذا نجحت أراويك واحد يشرب بيبسي.
422) كردي راح يخطب بنيه گال ابوهها مو البنيه هسه تدرس.. گال: زين أروح فد ساعه وأرجع؟
423) كردي مات أبوه.. أجه صاحبه يعزيه گلله: ألله ينطيك الصبر.. گاله: لا، عادي.
425) كردي راح يعزي جماعه.. گلهم مع الاسف يعني ماكو أمل يرجع؟
426) دليمي گلوله: شنو رأيك بالدوندرمه؟ گلهم: والله طيبه بس الگلاص شويه يسوي عندي جالي.
427) واحد من الناصريه عينوه مدير شرطه غير رقم النجده من 111 الى 94098435674365342
428) كردي زوجوه أهله.. گعد الصبح گال لأمه خليها تنام عدنا بعد.
429) صرصر سأل صاحبه: شلونك هالأيام خو ماكو نعل؟ گله: لا الحمد لله أبو البيت أحول.
430) محششين اثنين قلدوا سيارة النجده.. واحد يصيح: ويو وييو وييو.. والثاني يصيح: أحمر أزرك...أحمر أزرك...
431) محشش راح للمطعم.. گالهم: عدكم عشه؟.. گالوله: نعم.. گال: ليش ماعزمتوني؟
432) صرصر شاف دعاية بف باف(قاتل الحشرات) گال أعوذ بالله غير فلم مرعب
433) واحد ناصرية اتصل برنامج طلبات الاغاني طلب اغنية وگال: أهديها الى صديقي بمناسبة وفاة والدته.
435) واحد ناصريه لگفله رقم موبايل مال جني..گام كل شويه يدزله مسج (بسم الله الرحمن الرحيم).
436) كردي لازمله ثلجايه ويگول: والله أموت لو بس أعرف منين مزروفه؟
437) مصلاوي ديموت.. شاف ولده كلهم يم راسه گعد وگال مناعيل الوالدين كلكم هنا.. عجل منو بقه بالدكان؟
438) واحد ناصريه... طرده أبوه من البيت... كتب عالباب: مقر حزب الدعوه الرئيسي.
439) ناصريه شاف واحد يحترك إنتظر شويه وراح طفاه. كالوله العالم ليش گال: حته يعيش مشوه.
440) طفل كردي ضيع أمه بالسوك.. سأل واحد گاله: ماشفت مريه تمشي وما وياهه واحد يشبهني؟
441) أدم شاف حواء تسوي محشي ورق عنب گلها: ليش تلعبين بهدومي؟
442) كردي گلوله: شسمهم أخوانك الثلاثه؟ گال كلهم أزاد ماعدا فرهاد وبختيار.
443) كردي سأل صاحبه: صدك أزاد نامق أخو أراس عثمان؟...گله: لا بس تشابه أسماء.
444) أحول رجع من شهر العسل سألوه ها أرتاحيت؟..گال شلون أرتاح وأختها لازگتلهه 24 ساعه.
445) دليم دا يلعبون على خط الرطبه السريع.. اللي ينسحك مرتين يخسر.
446) كردي سأله شرطي المرور: ليش ما رابط الحزام گاله: والله كاكه هذا سروال مو بنطرون
447) كردي گال لإبنه: روح إسگي الشتله.. گلله بابا موجاي تمطر الدنيا.. گاله ميخالف بابا أخذ شمسيه وروح
448) كردي گال لأبوه: أني رايح انتحر..گله ابوه: أوكي بس لاتتأخر.
449) طلي ديذبحوه وهو خربان من الضحك . گالوله ليش؟ گال السچينةبالمگلوبي
450) كراد ديسوون دعاية بيبسي.. واحد يشرب والثاني يگله: بقيلي شويه.
451) زمال تزوج ... الصبح گلتله مرته: صباح الخير يازمال... گال ها بدينا ؟
وشكرا
