بلياك ماعيش ... اليكولك عشت بعيوني احلفك منه تاخذ حذر
انه اطمئن يمك واذا تبتعد من كلشي يمي انه احس بخطر
اذبل لحد ما ارتوي بشوفتك
جن سنبله الروح وعشرتك نهر
بلياك كلشي يصير مابي طعم
...ما اميز بين الورد والصخر
لو راد ياخذني القدر كلي اله
بس لا بيني وبينك يمر قدر
علمت روحي من صغر شوفتك
ردتك صدك تبقى نقش عالحجر
انه شسوي بالنظر لو رحت
من تمشي كلي حتى اضمه النظر
عيني الاشوفك بيها احس تختلف
مو نفس عيني البيها اشوف البشر
ومن تمشي عني الكون احس يختنك
والعالم بكبره حس بي صغر
بس لمن تردلي ارد اكتشف
كلشي بمكانه وانت حبك كبر
