حبيبي نام ياعمري على صدري وصارحني

:a (2):
حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما أنته علي تطري؟!
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك وأبي قربك.. ترى مني قضى صبري
أنا نبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري
تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت .. وانت بي تدري
تشوف الجمر بعيوني؟! تشوف الشوق جنني؟!
أجل تدري مثل ما أدري بأنك حلمي يابدري
حبيبي قوم وصارحني عن احساسك وعلّمني
أنا أطري على بالك ؟! كثر ما أنته علي تطري؟!

تحياتي لكم

مشاعر جياشة تفوح من اعماق القلب
لامس قلبي ماتخط اناملك من ابداع متميز
ودي:a (2):

يسلمو ورده
على الكلمات الراقيه
تحياتي

منورين عيوني
تدللون
تحياتي الكم

ايها المتألق
؛
؛
؛
؛
تشدني كلماتك.. وأبهرتني هذه الرائعة
فقلت ماعساي ان اقول..
قطفت وردة من حديقة الشكر ،
لاهديها اليك
لعلها تعبر عما اريد قوله ...
ودي وتقديري
لكَ يا مبدعاً ،

منوره عيوني روعه
تدللين وشكرا على مرورج الراقي