http://rafdin.com/vb/images/icons/icon8aa.gif http://rafdin.com/vb/images/icons/icon8aa.gifhttp://rafdin.com/vb/images/icons/icon8aa.gif
الى نونـــة
اذاعني رحت كلي انه اروح اوياك
لان كلك جزء بس عايش بكلي
واذامره شفت وياك ظل يطوف
موظلك حبيبي وداعتك ظلي
اغار عليك من طولك وظلاك شجاك شغير طباعك وظلاك
انا المفتون بعيونك وظـــلاك مثل ظلك عليك يدور فيـــــه
موشاعر واريد اوياي بس تدوخ
بس الشاف مثلك يعذر المثلي
انت انت شكثر سبحانه خالق بيك
وبيك شكد محاسن ربك مخلي
خدينك كمر واعيونك اولايات
والحاجب زحل من ترمش يصلي
ومن تضحك غنج مرات انت اوياي
موسنك عطارد جنه يضحكلي
في ليل الزلف وشفاف عندك تين
والزهره اعله صدرك شفته متعلي
وجبينك شمس ياجل من سواك
كــــــــل هذا وبعد ماشايف اتكلي
موبس عيــن بيك انت وجنبيك واحس ميزان عكلي اختل وجنبيك
المحاسن كلهن التمن وجنبيك من ابوك تخاف جانه شلون بيــــه
ماشايف كبل وعيوني عثرن بيك
واول ماصحيت عيوني الك صدن
شفتك موبشر جنك ضوه اعله الكاع
من تمشي الكواكب كلهن يسجدن
وصفتك كبل بس ماكدرت اعليك
وياثكل القوافي من الفشل ردن
مجنونك صرت مد خيط للمجنون
بالك ينكطع وانوب تتوهدن
وشيخاصك بعد تدري انه بالساعات
وموكلهن سوه الساعات لوعدن
ساعات اعله كيفي وجني ملج الموت
من اصفن عليك شويه واترهدن
وساعات ارتعش والخوف يمشي اوياي
وسيوفك احسهن بيه ينحدن
فض خلكك علي بس انه وانت شبيك
وامن لواجيتك واطمئن جدن
امسودن نعم بس انت تعرف زين
ماخوذه الحكم من حلك المسودن
http://www9.0zz0.com/2008/09/12/13/335423876.gif
