كلي ليش تباوع انته
كتله معجب اني بيك
كلي جذاب اني اعرفك
كتله جيت اني اشتريك
كلي غالي هواي كلش
كتله ميهمني اني اجيك
كلي معقوله تحبني
كتله احبك روحي بيك
كلي ما اريدك اتركني
كتله بلوه اني ابتليك
كلي شنو الحب غصب
كتله اي غصبا عليك
كلي صحراء اني قلبي
كتله اجودر بدوي بيك
كلي مثل الماي طبعي
كتله بير انه احتويك
كلي ما اعيش هوايه
كتله بروحي اني افتديك
كلي سم اني لحبيبي
كتله اكيف وارتويك
كلي اني هواي ازعل
كتله احب اني ارضيك
كلي ما احب التنازل
كتله ما اطخ راسي ليك
كلي اريد حبي شاعر
كتله شاعر ما يجيك
حسنك يدوخ ويسطر
يثول الناس عليك
كلي ناجح كوم يله
كتله راسب بين اديك
كلي ناجح خذت كلبي
كتله هاك بعمري شيك
