شوكي اعليج حاير بيش المه
احط اسمج ابكلبي او انحني اعليه
حته اوي النفس كل يوم اشمه
ماعندي مكان وين اخليج
رسم وجهج احيرن وين اضمه
لغز كلج لغز ياماي العيون
بس مرات لغزج حيل افهمه
اذا كلبي يدك الغيرج انهاه
واذا ماينتهي بضلوعي اعدمه
خيالج صوره حلوه ابكل الالوان
كليلي خيالج وين ارسمه
اذا فوك الضلع الكه الضلع نار
واذا يمج ركض مابيه الزمه
ياليل المحنه امنين احاجيج
ليلج بيه نجمه ابحضن نجمه
اكولن بيج كلمه او تشهد الناس
لان حبج جذب مابيه اكتمه
اذا يقبل الخالق نعبد الغير
العبادة اتصير الج صدكيني يمه
منــــــــــــقـــــــــــــولــــــــــــــــــــ ـ
