الحب العجيب
يل حبك عجيب ودوخ الكون
صرت دايخ حبيبي وبيك مجنون
اصبر العين اكولن بلكي انساك
اثاريهه الك تشتاك العيون
وكولن شي طبيعي ابهاي الايام
جه عنك الناس اهوايه يحجون
ادور اكليك صاير حته بلروح
واثاري الروح تسال ويه اليسالون
صرت محتار اني ويه نفسي
والوادم اشتلبس كامو ايلبسون
هيج انته حلو ومدوخ الناس
واني انساك اريدن مدري اشلون
اغمض العين اكولن بلكي ماشوفه
اثاري صورتك مرسومه بجفوني
كلما اروح المكان اكبالي الكاك
وكمت احجي وي نفسي الناس ايسمعوني
لك انته جريمه الحبك ويهواك
ومن اسولف لهلي عنك مايصدكوني
يكلولي تتخيل هاذا شي ميصير
كلتلهم شنو قابل اجذب اعيوني
كدامي وشوفك مخفي عن الناس
ومن وراك امخبل يسموني
صحيح اغمخبل اني وبيك مجنون
ومحد من العشاك واصل اجنوني
