هم غربة هم فراك هذا الجنيتة
بكلبي الوطن مكتوب بدم لكيتة
بكلبك اذا تلكاه شمالك وعفتة
من هاجرت لليوم بيدك كتلتة
شلون اكتلة شلون جا هيا سهلة
مجبور العراقي اليوم ومفارك اهلة
شو انة ما مجبور اختلف عنك
كلي وصبرت هناك من فاركت امك
اكلك صبرت شلون ومفارك امي
اصحابي عمر وحسين جن امي يمي
قصدك بلغربة متحدين وهنا طائفية
بشعلة ماخذ بيت ساكن بلاعظمية
هذا التكولة يصير بس با لاحلام
احجيلي من يجيك الليل هم تكدر تنام
احنة طبعنا الوفا ونسال على الطيبين اش ما طال بينا الوقت نذكر وفا الزينين
