أتصورتك تجيني
أتصورتك تجيني اتزيح الهموم
وتسد بـاب الحـزن وتكله كافي
وحسبتك تجيني اضمد الجروح
أشو حتى الجرح ماعفته غافي
منك آيست من ناوشتني الماي
أذا مايك وحـل وتكلي صافـي
ومنك آيست من علجرح حطيت
بيـديـك الملـح وتكلــي اشـافــي
ازرعت الدرب وأمليته باشواك
وجذبت الـدرب وأمشيته حـافـي
أخذ طبع اليحب ميفارك المحبوب
بس شلــون يحب طبعـه اليجافـي
غلط تنزل بحر خال يمن الاكياش
وغشيم اعلى السباحة وبي تچّيت
وغلط كل اسود تسمونه احزان
ولا بـأبيض فــرح دومـك تبيت
أكو اسود تلبسه وأنت فرحـان
وأكـو ابيض تلبسه وأنت ميت
شمّت العــواذل كلهــم متانيـن
بس طحت العواذل كلها حّيت
لا تفـرح غـدر جرّحت الخدود
مـو شرط الجبـان الينغلب دوم
بالكثرة الشجاعــة وبالمثل تنكال
وطلعت صحبتك خنجر ومسموم
مو شرط الحقيقة تنورنه دروب
مـا تظهـر حقيقـة بساعـة وبيوم
مثل نور الشمي اضربلك أمثال
رغم قوة ضواها تحجبه الغيوم
رغم قوة ضواها تحجبه الغيوم
