كلمات قصيده فقد قلبي كل امانيه :-
للشاعر زيد العراقــي
فكد قلبي كل امانيه
وناس الغرب مابيها حنيه
...ابسط حقوق البشر يادنيا ما اليه
فقد قلبي كل امانيه
الناس اوطان عدها
واني بلا وطن طايح بيد الحراميه
تحير الناس شتلبس
واني الغرب تشك الثوب ال عليه
ناس تسكن وطنها بامان
واحنه حكومتنه توجه علينه المدفعيه
ال عنده غيره وشهم ويصبح بصوت
يموت بسجن بتهمه الوهابيه
احنه بلد النفط والخيرات
تالي وكتي تعطف عليه الدول الاجنبيه
احنه ال جنه نوكل الجوعان
هسه صفينه ننتظرحصه تمونيه
حرام اكبر حرام الي ديصير
بس بالاسم حكومه مرسومه بشخاص وهميه
لا اصل ولا فصل ولا بيهم ذره اخلاق
تسلم ولد العراق الشهم لامريكا اليهوديه
عراقيين ما ندنج ابد راس
طلنعه نبدل نظام نكتبت بحقنه الجريمه
لايران ولا كل الدول
تمنحي اسم بغداد امه العظيمه
الاسف يال الاسف
فكد قلبي كل امانيه
