لاب
يوليدي اعرف بيك عاشك واعذرك
ومن تطخ الراس من حكي احذرك
...الابن
يابويه اضل للدوم عد حسن ضنــــــــــك
شمعه على درب الشوك كل كلمه منك
الاب
يوليدي درب الشوك گبلك مشيته
سهله بدمـــع تبجي بالدم بجيته
الابن
يابويه عد عيناك بس كلي هسه
انسه الاحبها تريد وعيونك انسه
الاب
لا يبني كلبي ارتاح وتدلل وحــــب
بس اظن هم يفيد حجي المجرب
الابن
انه اشكر الله هواي مثلك ابو أيصير
بطيبه وكلب فرحان ينصحني ويشير
الاب
يوليدي اريدك دوم تندل طريقــــــــــك
واحسبني من هاليوم بالحب صديقك
...
