http://ahlaliraq.com/vb/images/smilies/36_1_60.gifhttp://ahlaliraq.com/vb/images/smilies/36_1_60.gif
صحيح انت بجمالك ماخذ عقول
ومن كد ماحلو مضيع وعي الناس
مره بشارعك لن انت مريت
عليك ايدين تلطم فوك عالراس
والف هنيالهه امك تكعد وياك
وحتى امك عليك اتخاف تنجاس
وعون الماي والكاس الشرب بيه
شلون استحمل انت شفاك عالكاس
اريد وياك اشد الروح بالروح
وعون الي تقرب ليك ونشد
مثل انسان كافر وانت غفران
اريد اغفر ذنوبي وانت معبد
ويارقم الاحسبه وياك خسران
وكولن لانجم هيهات تنعد
وصيرلك صبح وسهرلك الليل
وحاتم بالكرم بس انت الاجود
شما اريدن اصير واوصل وياك
وياهو الي وصل كبلي تمدد
واريد وياك حيل انلجم بجروح
شما طاب الجرح بالملح زود
موقصدي اذيتي واني مجروح
بس جرحي اعله ملحك شو تعود
ومسكين الكلب منك حمل اه
لان انت بجمالك ماكو احد
وطبع الحلو لو واحد مشه وياه
من الله تره الوياه يشرد
يشرد خايف من اليحسدون
اذا لاقل اعوذو وياهم ترد
ولا حاسدا من شر اليحسدون
واني بهاي الك صدكني اشهد
اشهد ان انت مخبل الكون
ومثل رقه جمالك ماكو احد
