شگد قاسي طبعك يازمن
چي ماحسبت حسابنه
ركزت ظيمك عالگلب
متونس ابلوعاتنه
...مو چنه من اول نحب
......ونگول الله الحابنه
نتشابگ بشوف الورد
والبوسه هيه عتابنه
تذكر امس..شمحلاته امس
مفتوحه كلها ابوابنه
نمشي على عناد الحچوا
يادنيه وشمحلاتنه
صدفه وغدر بينه الزمن
حط ناره بين اوراقنه
لاظل وصل...لاظل عمر
لاظل اثر كلماتنه
حتى الشفايف ذوبلن
صارن حلم ضحكاتنه
ضاع العمر حسره وندم
يتسابگن اهاتنه
يضحكن على صوت الندى
ويتسامرن دمعاتنه
