دمعاتك ذهب والتبجي لاجله تراب
ويا يوم التراب على الذهب يعله
انت الجرحه بلسم وهو تيزاب
الفرق واضح ومايحتاج افصله
ردته ضماد الك بس للاسف خاب
صار ضماده سيف وبيك سله
الجنت تعتقده ماي اتبين سراب
لو تمشيله عمرك ماتصله
البست حلقة خطوبه ولبست ثياب
ونست تركت جرح محديشله
ونست باجر حجايه بحلك طلاب
شبدر من اليحب حتى تخله
شني الموقف لون يردون الاسباب
لغز هاي الخيانه شلون حله
امس جان على جرحه يقفل الباب
وتالي انت بأديك تكسره قفله
مو بالك عتب ماتسوه العتاب
ومن بعد الخيانه العتب شله
مومشكله وبيه اتحمل صواب
بس المااحمله اطلعتي طفله
هذا أنا
