شرح مهم لمواصفات البروسيسر مع عرض مواصفات اقوى بروسيسر بالعالم لكومبيوترات الديسكنوب
Intel® Core™2 ExtremeProcessor QX9775
Intel® Core™2 ExtremeProcessor QX9770
Processor Cores :وهو كم نواة موجودة في البروسيسر الواحد وفي هذا البورسيسر توجد 4 وحاليا هذا اقوى ما توصل اله العلم للحاسبات الدسكتوب (ام الكيس)
Architecture :وهو التقنية المستخدمة فيه وهي تقنية ال 45 نانو متر اي تبلغ حجم الترازيستور الواحد 45 نانو متر فقط
علما بان النانو متر يبلغ (1 ضرب 10 للقوة سالب 9) يعني كل 1000000000 نانو متر يعادل 1 متر
L1 Cache : وهي الذاكرة الرئيسية المربوطة مباشرة بالبروسيسر يعني المعلومات الي ديعالجها البروسيسر تكون مخزونة بهل ذاكرةوهي اختصار لـ Level 1 cache وعادة تكون صغيرة نسبيا يعني هذا اكبر بروسيسر حجم هاي الذاكرة بي 256 كيلوبايت
L2 Cache : وهي الذاكرة المساعدة (الثانوية) هاي الذاكرة تكون اكبر وهاي الذاكرة يخزن بيها البروسيسر المعلومات الي لازم يعالجها من يكون الـ L1 Cache مقبط (متروس \ امفول \ مليان الخ الخ الخ) فة من تخلص المعلومات الي تحتاج معالجة بـL1 Cache ينطي معلومات من هاي الذاكرة (L2 Cache) ويحولها للذاكرة الرئيسية (L1 Cache) يعني هي ذاكرة مساعدة للذاكرة الرئيسية بالبروسيسر
Clock Speed : وهو سرعة معالجة المعلومات بالثانية الواحدة يعني اذا جان 3.2 كيكا معناتها انو يعالج 3.2 مليار معلومة بالثانية الوحدة
Speed FSB : وهي سرعة النقل الداخلية يعني سرعة نقل الملومات بين اجزاء البروسيسر اي مثلا سرعة نقل المعلومات من الذاكرة الريسية للمعالج الرئيسي للمعلومات وهي بهذا البروسيسر 1.6 كيكا يعني ينقل 1.6 مليار معلومة داخل البروسيسر بالثانية الوحدة
وهاي اهم المعلومات الي واحد يستفاد منها علمود يعرف جودة ومواصفات البروسيسر
واي سوال اكتبليا بالرد
وشكرا
تحياتي
TheProfessional10
