قصيدة حيل احبك وابقى احبك لو انتة العفتني
حيل احبك
انته عينك على شفتي ...وانه عيني اعله الشفايف...
وانه كل اعظامي ترجف ...انته خايف واني خايف..
شلون هسة...منهو يحجي ؟؟منهو يبدي بالسوالف...
انته لو اني دخيلك...مو همت واكليبي تالف...
ادري بعيونك تحبني ...وكلبي لعيونك اموالف..
بس تعال اليحجي كلمة...بلا خجل وبلا مخاوف..
ما خجلت ابيوم مرة...وبالحجي شايف وعايف...
وياما ياما لساني غازل...وسكتت ياما مضايف..
وهسة اريد احجي كلمة...مرتبك جسمي ايتراجف...
وانته شو هم مثلي ترجف ...وبالعرك هم مثلي طايف...
شصار بينه؟ شمر علينه؟؟ شكثر مرينه مواقف...
ما خجلنه وما رجفنه..وما نبوك العين طارف...
جنهه مو كلمة احبك... جن جبل بلساني واكف...
وارد اكلك شنهي هيه...كلمة لو جرم ومخاوف..
شو أأأأأأأأأأأأأأحبك..حيل أأأأأحبك...كافي عركانين وندور مناشف ...
