انة أحبك
لو يضيق الوقت و الدنيا تشين
............و شمسنا تشرق علينا من شمال
و لو يطوف العمر ايام و سنين
...........ما يتغير حبي لك يا ابن الحلال
ايه احبك و الهوا فيني دفين
............و اعشقك والله هجران و وصال
ايه احبك .. ايه احبك .. مرتين
.............مرة للود .. و مرة للدلال
دامك اللي بالقسا عيا يلين
............مخلص دايم و لا فيها مجال
الوفا طبعك و بك دايم يزين
...........شعر مجنونك و يصبح عال .. عال
منهو غيرك فسر اسرار الحنين
..........و منهو غيرك امتلك قلبي و طال
و منهو غيرك بدل دروب الانين
..........في دورب نورت كل الليل
و انتشي قلبي بذاك الحب لين
..........اختلط حلو الحقيقة بالخيال
و اصبح الخفاق في حبك رهين
.........و الحنايا العوج لك بيت و ظلال
والله اني عاشقك و العشق بين
.........ولا استمع بك عاذل كذب وقال
والله اني ما اعطيك الروح دين
.........العطا وارثه .. من عم .. وخال
