من البدايه اتأكدت دربك عذاب

مـن صـرت كلـي جـرح ردتـك دواي
ليـش كَمـت اتطـش ملـح من جيتــني
يلــي خلـّيت النبـض محبـس بين بديـك
وإنــت ع النــار احتـــركَ خليـــتني
كلـّه منــي ,, وآنــه اقـرّ اكبـر غشيــم
ويـن بوعـودك ؟ لـــوين اخذيتـــني .. ؟
آنـــة زفـّيت العـمر فـدوة الخــطاك
يلــي للوحــة كَبــل زتيتــــني
آنـة ويــن وويــن عشـــكَك وإنــــته ويــن
هـذا حـظي الجابــك وحاجيتـــني ........... ؟
ومـن نطيتــك آخر احــلامي الزغـار
وبالمقـابل ... إنته صــح انطيتــــني
إنطيتـني جروح , وملح , ودمـــوع نــار
وبيـن كـل ضلـع وضلــع جوّيتـــــني
والله ضحكـة فـرح ردتك لــو بجيــــت
ابكــل حلكَ سالوفـــــة يل حطيتــــــني
إمـن البدايــة اتــأكدت دربك عــذاب
بـــس مشيــت .. وما حسبـــت احسابــها
روحــي طفـلة , وتـــدري بالعــاذل شريــد
ورادتـــك وردة ربيـــع ابــــّابّها
ورادتـــك سـدرة ســتر لــو مـرهه صـيف
ومـرهم اتطيــح اعــلى جـرح اعتابــها
ونـــوبة اكــَول الروح ما تحمـــل عذاب
ونوبـــة اكــَول اعـــلى العــذاب اشجابــهه !
وآنـه مثـل النــار إلــك . لـمّن دفيـــت
ارمــاد لحلـــوكَ المطـــر ذبـــّيتنـــي
وليلـــة اوداعــك عفتـــني ابلايـــة راي
ابليــلة ظلمـــة اعلــى الجــرح .... زفــــيتني

قصيده جميله تسلم الايادي.....تحياتي لك

شكرااااا على المروووور الجميل

http://www.saudinokia.com/vb/images/...415b77f268.gif

عاشت الايايدي كولش كولش حلوووووووووة

يسلموووو شكراااا على مروركم الي اعطه الى كتاباتي لون خاص يارب يخليكم