عشت كل السنين وياك مظلوم
وردتك مرة بس تحن علية
وما ردتك تشيل وياي الهموم
ولا أقبل تصير انته الضحية
ولو تدري بهواك شكثر ملجوم
وياما تحملت منك أذية
جان تهاونت من تحجي وَياي
لأن شايل ذنوبك بين ادية
بغيابك صرت شجرة مفاركة الماي
واتمنه المطر ينزل علية
فركني الوكت وياك شبساع؟
واحسك هسة صاير مو الية
ليش الزمن يحكم بس بالفراك؟
وليش آمالناتحطمت سوية؟
كرهتك يا زمن يمفرك الاحباب
ويل ما حاط غير النار بية
لا تعتب علية امن اشرب الكاس
آنه الشفته منك مو شوية
إذا بس جرح واحد مني مجروح
تره آني بعِشرتَك مجروح مية
