فرصة انطيني اكلك ...
فرصه انطيني اكلك هسه اكلك ليش
واثبتلك اثباتي وتقتنع سكته
عيني بروحتك ظلت تهل عيون
ويا عين التطيح تصيح وين انته
كل ضني رحت وبروحتك متعود
او موحدك رجعت وياك شو سته
كلبي وكلبك ودمعاتي والشوغات
وتفكيري وحناني الانته موته
ورجعت وخاطرك مكسور من الغير
وتريد الحنان الانته ضعيته
على كسر الخواطر انت مامجبور
سولفلي اعله كلبي البيدك كسرته
انطيتك كلب شايل حنان الكون
ورغم كل هذا لكن انت جفنته
وطميته بارض صبخه وشحيحه ماي
ودم تبجي الارض ماتنحمل ونته
اشتريتك بالعمر والدمعه والاوووف
ولكن للاسف برخص ثمن بعته
مانرهم بعد انت اصبحت مكسور
شيلم الكزاز بيوم كسرته
واذا رهمت الم الماي من الكاع
بس هو ابد مافكر بلمته
تحيــــاتي الـــــكم..
