تريد اكتب غزل وانساها الهموم

تريد اكتب غزل وانساها الهموم
وانه وي الغزل نافض كوامه
شكتب ياغزل واتغزل ابيش
يخي خلها سكته بلا ملامه
انا شاعر حقيقي واملك احساس
اترف من جنح اترف حمامه
ويهزني الجمال الحيل مملوح
واطرب لو شفت بعض الوسامه
واسكر ونتعش بنظرات العيون
وتسحرني الشفايف بابتسامه
لكن ادري لكن سبب بلواي
المثلي واجب يسحب كلامه
خصام ويه المره من قبل عشرين
فشك وسلاح يوميه انترامه
مااكتب غزل صدكوني معذور
شما اطب البيتناتقوم القيامه
متزوج ارهابي ولابس حزام
بس يزعل عليه ينسف حزامه
انا المحتاج خطه امن للبيت
تطب البيتنا وتنزع الغامه
حتى اكتب شعر من صدك مرتاح
واوزع هاتفي ونشر ارقامه
لان موبايلي يوميه تفتيش
تشوفه عيون زرقاء اليمامه

روعه عاشت ايدج وربي شي رائع

http://r12.imgfast.net/users/1211/14...les/884863.gif

مااكتب غزل صدكوني معذور
شما اطب البيتناتقوم القيامه
متزوج ارهابي ولابس حزام
بس يزعل عليه ينسف حزامه
انا المحتاج خطه امن للبيت
تطب البيتنا وتنزع الغامه
حتى اكتب شعر من صدك مرتاح
واوزع هاتفي ونشر ارقامه
لان موبايلي يوميه تفتيش
تشوفه عيون زرقاء اليمامه.............روووووعه تسلم الايادي

عاشت الايادي كولش حلوووووووووووو

وربي ابداع كلش حلوة والله يسلمو وردة علة المجهود الطيب تقبلي مروري

تسلم الايااادي وردة موضوع راااائع
دوووم الابداااااااااااااع
تحياااااااااااااااااتي