نومني إعله ايدك من يجي الليل

نومني إعله ايدك من يجي الليل
وشوف شكد عشك بعيوني شايلّك
ولو يكدر كليبي يحجي شي وياك
عن شوكي ولهفتي.. كلبي جا كلّك
مل مني الكلب كد ما اسولف بيك
واحلفلك اعوف الكلب لو ملّك
اتيه روحي بس ينذكر طاريك
واتيه الناس كلها ووحدك اندلّك
احبك حب عجيب بعمري ماصار
يمكن ماتصدك حبي لو أكلّك
لا أم التحبك مثلي لا اصحاب
لا والد يحبك هيج لا خلّك
يل جنك شمس تسطع بعز الليل
ويل جنك سحابه ونوكف بظلّك
ويل اسمك عزف ومقسم الحان
خرزة عين لازم دومك إتعلِّك
نومني اعله ايدك وخلنا تالي الليل
سوالف عشك احجيلك واسولفلك
وخلي الصبح يطلع وكلها خلي تكوم
وابقى لصبح ثاني وياك ماملّك
يل مجرى القصيدة يمشي بس وياك
وبس بإسمك شعر حالف أنة اكتبلك

حلوووووووووووووووووو
عاشت الايادي على الكلمات الراقيه
نتضر كلشي منج راقي
تقبلي مروري
تحياتي الج

كلمااات روووعه عاشت ايدك

دووم التألق والابدااع

ودي

منورين الموضوع وربي يدللو

الله الله عاشت الايادي حبي روعة

كلش كلش حلوة وردة عاش هالذووووووووق
تحياتي