أريد اغفى على ذراعك وانامن
كضينه الحب تمن انت وانامن
وحك عيناك نسيت اسمي وانامن
تهت ارجوك دليني عليه
غرامك بالكلب حافر وناقش
يلصرت نيران تحركني وناقش
اريد اكعد وياك ولك بس احجي وناقش
واكلك لشوكت تقسى عليه
صديجي الجان رايدني واريده
رخص دمه وكطع لأجلي وريده
صديجي الجنت أحبه وريده
شماله شوكطع وصله عليه
اسمك عايش بفكري وبالي
وحبك صار الي شده وبالي
طريح فراش خلاني وبالي
يلعلعني ويراويني المنيه
أنا بيدي وتد بالكاع دكيت
ولادكة نذل بالناس دكيت
بعدني وماطح بالكاع وانت طبول علي دكيت
ولك شد وصله وبعد إركص عليه
طعم حبك يمحبوبي شفانه
تشابكنه ولاواحد شفانه
تذكر من سوة طبكن شفانه
سكرنه وللكاع طحنه سويه
أحبابي وأعزمن صحتي صحتهم
جفوني ولاضمائرهم صحتهم
بيدي أشرت وبلساني صحتهم
شافوني وسمعو ومحد فزع ليه
عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية
غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــه
المستشار
اذا متُ يوماً ولم تروني فهذه كلماتٌ مني فتذكروني
