همبلة الولد وية البونيات
1- ( انتي اول وحدة فكرت بيها ) الاصح هية اول وحدة قبلت بي
2- ( اني اختلف عن باقي الولد ) لا بربك؟ شنو كائن فضائي
...
3- ( من احجي وياج احس انه اعرفج من زمان ) اي خدمتو بنفس الفصيل بحرب ايران
4- ( هواياتي المطالعة والشعر والرياضة ) والكهاوي وين راحت؟
5- ( علاقتنا محد يدري بيها ) بس الربع والطلبة والعائلة وجبار ابو الشربت
6- ( انتي احلى بنت شفتها بحياتي ) ايا كلاوجي
7- ( حبيبتي ممكن ناخذ صور حتى بالبيت ما اضوج ) الملعون حتى اذا اتعوفة يشوفها لكل الجامعة ويكول هية جانت لازكة بية*
8- ( هذيج البنية رادت تتعرف عليه بس اني غلست ) تطلع ما تعرفة أصلا لو مصارحها وضاربته بوري*
9- ( محتار ششتري بي ام لو تيوتا ) هو بايسكل ميكدر يشتري*
10- ( الصيف الجاي افكر اروح لهولندا سياحة ) هو يروح لباب الشرجي يشتغل بالكيا ويا اخوه*
11. ( البارحة ما كدرت اتصل بيج لان كرايبنا توفة )هو محدق وماعندة رصيد*
12.( البارحة جنت كلش قلق عليج من ما اجيتي ) هو استغلها فرصة حتى يحجي ويا صاحبته*
13- ( راح اكون نفسي بسرعة حتى اخطبج هل صيف ) اي مصباح السحري راح يوكع على راسك
