كيف تتصرف لو اكتشفت أن خطيبك \ خطيبتك.....!!!

سلام عليكم ورحمة الله وبركاته

يُقال مثل ما في المسلسلات وكلام من مر في هذي المرحلة

أن أحلى أيام العمر وأكثرها ازدهارا وجمالا غالبا هي أيام الخطبة


وأكاد أجزم أنها لا تخلو من تبادل اعجاب أو حب بين الخاطب والمخطوبة إما تلميحا أو تصريحا

لكن المشكلة لو اكتشفت يوم من الأيام أن من سترتبط معه في المستقبل مصاب بمرض خطير ما كنت تعرف عنه قبل الخطبة


كيف ستتصرف لو كان القرار متروكلك بالكامل من دون أي ضغوط جانبية - وإن كان غالبا هذا لا يحدث -

هل ستنفذ بجلدك متذرع بأنك لا تريد أطفال معذبين ؟؟

أم ستقف موقف الشهم لتبين أنك صادق في المشاعر التي عبرت عنها سباقا

وتمضي على ما أنت عليه ؟؟؟

الصراحة المسأل فعلا صعبة وتحتاج تفكير طويل قبل اتخاذ القرار

نسمع آرائكم

نونه فعلا سؤالج صعب جدا بس رح اكون صريحه واكلج
اذا كان مرضه صعب كلج والدرجه انو ممكن يموت فجئه
واني احبه فحوكف يمه اضحي علموده واضل جنبه
واحسسه بالحب والحنيه لان اذا شخص احبه ويستاهل اضحي علموده
اضحي ليش لا اما اذا شخص لا يستاهل ولا احبه وخاطبني فاللاسف اتركه
لان ما اكدر اتعذب اني ويا وا اعذبه لان مرح انطي غير شفقه وبس وهذا الشي صعب علي وعليه وشكرا الج ورده على الموضوع الصريح

اول شي ثانكس عالموضوع الحلو ..

بالنسبة اذا هوة مريض مرض خطير وهوة من الي ايكون معدي اكيد حيعدي البنية وحيطلع بالاطفال وتكون حياة مأساوية للعائلة كولهة .. فبهالحالة اصلا الناس من تعرف بهالشخص مرض خطير همه حيبعدونة وحيكون مصيرة المستشفى لحد ميسلم روحة ..

أما اذا بي مجرد مرض وغير معدي كالسرطان وماشابه فهذا يعني مبي خطورة عليهة او على الاطفال .. وحاليا اكو علاج للسرطان والامراض الباقية معظمهة ..
فلازم توكف يمه بالايام الي باقية من عمرة ..

( اذا تسئلوني ليش كلت بنية ومستعملت كلمة اني لان ماحب هيجي شي امر بي ) ..

واتمنى للكل الصحة والعافية ..

وثانكس مرة لخ عالموضوع .

عاشت الايادي على الموضوع


اول شي اذا المرض مثل مكالت جوجو معدي لا من البدايه انهي الموضوع لان مراح يسمو حب ولا تضحيه جنون هذا ( ولاترمو انفسكم بالتهلكه )


بس اذا المرض خطير ومومعدي واني احب خطيبتي لا اضحي بكلشي في سبيل راحتها وسعادتها وعلاجها من هذا المرض وحتى اذا مشفت من هذا المرض راح ابقه وياها الى اخر نفس




تحياتي الج وتقبلي مروري

تسلمووووووووووووون شكرا على الاجوبه الصريحه