أريد أبجي إعله صدرك مشتهي النوح

أريد أبجي إعله صدرك مشتهي النوح

و أريـد أكَعد إكَبـالك وأحسب إجروح

ومثل الطير من يودٌع الروح


جاي أركَص إبابك ركَص مذبوح !!


إهي كسرة عظم ماتجبــَر بيوم !!

ولا دورة سنه وآثارها تروح


كِسروا واهسي وخلوٌنــي مالوم

وخايف عله عيوني بالبجي إتروح

چنت آمر وأنهي وصاحب الراي

يوم أييـــدي طويله وجيلتي إتلوح

أريــد أبجي إعله صدرك مشتهي النوح

وأريد أكَعد إكَبــالك وأحسب إجروح


أريد أرچي أعله صدرك راس تعبــان

وأسولف عن عذابي وغربة الروح

جاي أنزع إبجـَفٌك سهم الأصحاب

تبروا من طحت عافوني مطروح

سحكَوا فوكَ راسي وجرهم الخوف

ونزلو للوحَلْ من عالي السطوح

ويوم إلليٌ شفتهم وكَعو إبٌيـــر

نزلت وساعدتهم وآنـــه مطروح

ويوم إللٌي شفتهم نزفو إهــواي

كَمت إنطيت دم واحلبت الجروح

أريد أبجي إعله صدرك مشتهي النوح

وأريد أكَعد إكَبالك واحسب إجروح

الله الله الله
روعة عاش قلمك وذوقك
نور المنتدى

ذا گلبك يحـــــــــــبني انطيني اثبات
وابصمــــــــــــلك احبك اني بالعشرة
بگد بغداد احبــــــــــك وبغلاة الروح
وأنا لأجلك احب واعــــشگ البصرة
كووووولش حلوة وعاجبتني

كلام رائع عيوني
مشكووره دوم الابداع عيني
تحياتي

شكرا الكم يمعوده ورد لاتخجليني تره اخجل شكراااا حبايب كلبي نووورتووو كتاباتي وانتووو الاروع :a (99):

هههههههههه لا لا لتخجل رد علينة ببيت شعر
ههههههههههه
:sg (2):

ههههههههههه لاتخجل عيوني
اي صدك رد علينه بيت شعر
تسلم عيوني هذا من ذوقك ^_^

هاي احله رد الكم حبايب كلبي وانشاء الله يعجبكم هههههههههههه
يابه صدكوني اخجل بس يلا تدليلون هاي ابوذيه الكم

انكلب لوني بغيابك ونخطفلك
واضيع اتمنى بعدك ونخطفلك
صرت ام وانه طفلك ونحطفلك
اجيك اركض اذا اتنخيت بيه

محبتك شطرت اكليبي شطرتين
شطر زيتون والثاني شطرتين
ادزلك مو شطرة شطرتين
بعد قلعة ورفاعي وناصرية

الله الله كلام رائع عاشت ايدك عيوني
كلام روعه حبيبتي توته ههههه زيتون يذكرني بزيتونه ههههههه