انت شيعي ؟؟ انت سني ؟؟

انت شيعي ؟؟ انت سني ؟؟
ياخايبين ضيعتوا الوطن
والوطن غالي أعز من روحي عندي
وآنه للكاظم أبذاك الصوب ازوره
وبكربلا للحسين أتعنه ازوره
كلت والله للعباس جدي مِتعنّي أرد أشوفه
كلت متعنّي أشوفن داحي خيبر الكرار أشكيله همّي
وبنفس الوطن ينهدر دمك و دمي؟
آخ وياوسفه الصار بيينه
الله واكبر سووهه بيينه
ياوسفه ونجحت خططهم !!!
ياوسفه اللي طاحوا بالجوامع بالحسينيات اليوم
ذوله أولاد خالي أولاد عمّي
ياهالودم من الصوبين أتفلش وطنّه
ياسامعين الصوت كافي
أنت شيعي؟ أنت سني؟
ياخوي الوطن من الصوبين طايح
ياخوي من طائفية الشردتنه وطشّرت دمك ودمي
ياعراقي أصحى تره أتفلش بلدنا
ياخويَ الاجنبي وج النار بيينه
أمجتف أبيده ويغنّي
ويسألوني أنت شيعي؟ أنت سني؟
ياخويَ ودير بالك
فلشوا الجامع الجنت بي وياك أصلّي
كالوا الشيعي علكها
والحسينيه فجّروهه
وكالوا الفجّرهه سنّي
ياخوي وآنه للحسن والهادي أضمه
من زمان انام وياه بالصحن من صغر سنّي
آنه افجره وصدّكت والائمه تاج راسي
بعد ابوي وبعد أمي
وصدّكت تطيني اِيديَّ
ومن زمان أنت تشيل همّي
ياخوي وصدكت لو نسيت أحنه بثورة العشرين أيد وحده
وبيهه أنخبط دمك بدمي
ياخوي شبيك وكافي عاد
هذا شيعي وهذا سني

اوووووووووووووه كولش حلوة ومعبرة عاشت ايدج حيااااااااتي شي روعة
والف شكرا الج

ايد ــج العآآيشة حبي ... وتدللين
منـــــــــــورة