ثــــــــــــــوره الــــحـــــــــــب

ثـــــــــورة الـــــحــــــب


أشهد أنته وحدك أحلى ماباالكون

ولغيرك أكـص الساني ماأشهد

لان شفت الوصف قطره أبحر وياك

ووصافك شعدد ماأظن تنعد

شعرك غيمه سوده وجلجلت عاالناس

كل خصله أبحلك نزلت تبوس الخد

وجبينك نار كسرى اليخضعلها التاج

كم واحد بواحد بيك يتعبد

يل حاجبك سيف وسيف ذو حدين

من يصعد وينزل يكطع المبرد

ويل عينك سفاره ورمشك الاعلام

وبخدك حصانه ومايمسك حد

ويل نظره أعيونك ثقبت الاوزون

والقطب الجنوبي بلمستك يجمد

ويل كحلك الاهي وباالجفن مطبوع

يخجل من يلامس جفنك المرود

ويل خشمك غصن بس أنحنه من الشوكـ

دنكـ عاالشفايف وخذ بوست ود

لان فوكـ الشفايف عصر روحه التين

ونواع الفواكه فوكه تتعدد

لاتضحك دخيلك لاطمع الناس

أسنانك زمرد خاف تتفرهد

وزلفك سعف نخله ومن تهب الريح

من عمده وعمد ينسطر فوكـ الخد

ويل أذنك خريطه لجنة الفردوس

مايدخلها بس البيك يتوحد

جنح فراشه خدك من المسه يذوب

ولهذا السبب من لمسك أتردد

مثل مصباح سحري الحنج من ينجاس

والمارد ضواه فوكـ الوجه يمتد

ونته كبال وجهك صفن حتى النور

ذاتي النور بيك ومنك تولد

ركبتك روجه وكحه معانده السفان

من تعركـ ركبتك ينكسر كل سد

وجتفك حصن عالي وسور ماينجاس

واليعبر أسوارك بعد لم يولد

شعرك من يلامس جتفك أنه أحتار

روج أيبوس جتفك باالجزر والمد

لان حدر الجتف سكنت الحور العين

سوت من أباطك للصلى معبد

صدرك هرم خوفو الدوخ التأريخ

مصدر كل حضاره بحلمتك تنشد

وأعلن ثوره صدرك ونقلب مجبور

على سلطه قميصك كام يتمرد

يل أيدك كمر حتى الكمر مبخوت

لوقسته أبياضك يعتبر أسود

ويل بطنك حضانه أمتانيه الاطفال

أنه أول طفل في حضرتك أنعد

يبو ساكـ الشمس لاتحركـ المحروكـ

لو يعمى اليصدلك لويصير أرمد

ومن تمشي أعلى كيفك ينفخ بالصور

والوادم تتبعك بيك تتعبد

مرقد كل بشر ينصب فوكـ الكاع

ونته بروحي حضره وظلك المرقد

شكد شايف بشر وشكد شفت حلوين

بس مثلك حلو ماأعتقد يوجد

المفروض لجمالك ينصب تمثال

حتى يضل جمالك دوم يتخلد

قاسوك أويه يوسف بالجمال الناس

فقت أنته أعلى يوسف موش سد بسد

هلة هلة هلة بالحب والرومانسية شنو هاي
عمي صايرة مو طبيعية
عاشت ايدج حبي روووووووعة

هههههههههــ شعبآآلج لعــد
منــــــوــوـورة حيــآآتي ..

تسلم هل ايدين ياارب
تحياتي

تدلليـــن عيــوني .. وآآيد ــج السآآلمة
منـــــــوورة

كلام حلوووو عاشت الانامل الي كتبتهن والله قصيد موطبيعيه هههه
رووووووووعه انريد ابداع اكثرر

ههههههههــ .. تسلمــ عيــوني
منـــور بمرورك ^^