غلطان انت صدك والله ما اشك بيك
واضن تعرفني انته بطبعي مو شكاك
لكن من تسولف ويه هاي الناس
اغار ومدري ليش بسرعه احجي وياك
اخاف من البشر افهمني مره ارجوك
اخاف بلحضه من ايدي وغفل تنباك
وتدري انت بعد حسنك ابد ما صار
والف واحد يموت بحبك ويهواك
يـــــــــــــاعمي شجرالك لاتصير اعصاااب
أي موجدي اشتعل وك مالكيت ادواك
ما احبك ولاتفكيري بيك يهيم
ولا اضملك ابد نص كلبي خيط اشواك
ولاريدك حضن دافي ويضمني بشوك
ولا صوتي اليصيحك من بعد ناداك
لكن باختصار انت عزيز هواااي
واخاف اعليك يمعود واريد افداك
واذا ميعجبك اني الخاطرك مسحوب
بس وداعتك والله اني مو شكاك
