دآآرميـــآآت ~

هلا يل مانسة الخاطر ولاكم
وعمت عين الدهر بعدي ولاكم
صرت لاعب لأجل عينك ولاكم
واصد كلمن يمسك بالأذية

ربع عمري الج يرخص ونصفي
يحلوة ارجوج افهميني ونصفي
نصفي غارك بحبج ونصفي
سبع لوعات بس يبجن علية

هلا يلي على الفطرة هوانة
وينعشك لو يمر مرة هوانة
إذا تسأل على اليوفي هوانة
افزع بأول صياحك عليه

حبك صار بي لوعة ودكة
وحط بالكلب بسمارك ودكة
وك شكم دكة الشفت منك ودكة
ورغم هذا احبك مو بدية

وحق حجة الهك منتظركم
روحي بنار احطهة من تضركم
صار شكد اتاني منتظركم
سبع ساعات ما فكرتوا بيه

امتحنتك ردت اجربنك صحت حل
واشد جرحي واسمعنك صحت حل
بعدني ما طحت يمك صحت حيل
لو طايح صدك شتسوي بيه

اريد اخذ قسط راحة من الراح
بجيت وربعي سألوني من الراح
شجاني وما خذت عبرة من الراح
ولا بالجاي عبرة تصير اليه

زمانك لو زعل وياك خلة
واسكت لا تبين بيك خلة
مو سهلة الخليل يعوف خلة
بس صعبة الكرامة تموت بيه

دريتك بيه تغدر واعلم انك
وصيتي تفوق صيتك واعلى منك
يصير الخير باجر واعلمنك
واصفالك وارد الحك الية

اول حده حلووه هههههه
تسلمين على الدراميات
مشكوره عيوني

عيــونك الحلوآآت ..
منــــور

موضوعك حلووو عاش الذوق
وديـــ
^^

عاشت ايدج يخبلن
بس هذول ابوذيات مو دارميات هههههههه
باعي ذكية

هههههههههههههههههههه
ولج هو آنيي شمفهمني هآآي خليناها الج حبييي فدييتج
منوووووووورة :*

فديتج حياتي
هذا نورج انتي