لاموني على ضيمي الي مادروا بالضيم
وانا لخاطركـ ماانطي باسراركـ
وحسدوني عليكـ وانا كلي جروح
ومتحمل لعينكـ وجع مسماركـ
لو بالخافي يدري اليعتب على الروح
جان بعينه شاف بكلبي اثاركـ
تحملتكـ جرح وانا اون بسكوت
وفوكـ الجرح هسة تطلبلي بثاركـ
هاكـ الروح بيدكـ وانت حر شتريد
سوي الي تحسه يطفي الكـ ناركـ
معذور انا اعذركـ لان كلبي وياكـ
خطوة بخطوة يمشي ويعرف اخباركـ
خطار انا روحي واجت يمكـ ضيف
مااظن شيمتكـ تغدر بخطاركـ
تعرفني انت كلش زين واكثر من الناس
احط روحي سعف بس احمي جماركـ
سوي الي تريده شضل بعد بالروح
مو روحي رهينه وباقية بداركـ
تزعلني واحبكـ وانتشي بطرواكـ
وروحي تذوب لهفة من اسمع اخباركـ
ياكلشي انت عندي وكلشي انت وياي
عاوني على جروحي وتكفي اعذاركـ
مو تدري الوصيه تلوح سابع جار
ياجيران كلبي شبيكـ وي جاركـ
وياجيران كلبي شبيكـ وي جاركـ
