محبوبي ماكو برقته
و محتار كلي بشبكته
لا ينباس لا ينكمش
الهوى سجن بكمشته
و هو الهوى و الحلو امس
من حلكي لامس شفته
توني ابوسنه ردت
و بس جسته طاحت ركبته
و محبوبي ماكو بطينته
مسودن عقل اذن السمع
و بايك عيون الشافته
يمشي قلب فوك الارض
بكل خطوه يخلقله نبض
و ما تفض موت انصافه
مدري شنو . . كلش حلو
من اوصافه تبجي اوصافه
ارهم جذب ويا و ابد
ما اسوه كلشي خلافه
عفته و رحت و بنفس هل اللحضه
عطش حلكي عشت
من رجعت لروحه الشفافه
تدرون منه شحصلت
من حلكه الدافي
شربني حد كطع النفس . . شربني حتى شفافه
و محبوبي ماكو بعشرته
و ما ينوصف خط شوكه
جلده بخت ما لوم ايد الفصلت
كل جلده الي علوكه
مدري شنو كلش حلو
جن ما اله ابد اي طعم
و محبوبي شفاف بشكل
حيل مثل عجنة صفر
بجفوفي كلشي ينفتل
لا ينمل و لا ينحمل
و محبوبي يوميه الشمس
يعرك وجهه بشوفته
و يوميه ليل الله يمد
روحه غطه . . و يغطي نوره بضلمته
و السبب معروف السبب
محبوبي ماكو برقته
:sg (2): :sg (2)::sg (2):
