ماريدك بعد...حبك طلع جذاب

ماريدك بعد...حبك طلع جذاب

كل واحد بدربه...ويلتهي بأمره

حافي وياك أمشي...وماكلت تعبان
...
أدوس أعله اللهيب...وتنطفي الجمره

دللتك طفل...وتتأمر وتختار

ومن تعطش...عيوني تصير ألك جره

تطعني بخناجر حسبت ماشوف...

ومن شفتك نكرت...وطلعت بره

تذكر من رسمت الضحكه عالشفتين...!

وأنطيتك فرح...تنطيني بس حسره

مو أنه الجسر وأنت عليه تدوس...

بضلوعي وكلتلك ياعسل مره

تراب تبينت تتنقل أنت هواي

وبس ريح ليمرك...تنكلب غبره

علمني النخل مايوم أدنك راس

وعلمني عله طيبة بشمرة الثمره

هاهسه عرفت أنه ليش أريد أنساك..؟

خايف لاأردلك...وأوكع بحفره

ماأرجع بعد أعذرني...الله وياك

لملم كل غراضك...خلصت السفره

كلش حلوووة وردة
ودي

انتي الاحله ورده يسلمووووو على المرور الجميل

عاشت الايادي
كولش حلوة
مشكور

عاشت ايامج بالسعاده يارب تسلمين على المرورو الجميل

عاشت الايادي ررررررررررروعة.

مممممممم عاشت ايدك وردة كلش حلوووة
ودي

يسلمووو مشكوورين على هذا المرووور الجميل