عيوني تعاركن بالغيره حد الـموت
اذا تشوفك اليسره اليمنه منتحسه
معذور اليغار اعليك ؟ تعرف ليش
جمال البيك حتى يغار من نفسه
ماشبهك بالكمر هوة الكمر يتشبه بيك
... ام الــكــمــر جــانــت بيـــك تتنسه
سفينه الشمس ما ترسي ابحار الكون
بس خدودك صارن للشمس مرسه
ولو مريت مرة بمدارس العشاك
بس يشوفك الطالب ينجح بدرسه
ومن كد ما حلو لمن تمر بالناس
تصيح ((الله)) حته الاوادم الخرسه
هنيال اهلك كل ساعه يبوسوك
وانه المشتاك بس خدك ألمسه
امتحنه انه وياك مرة بالبوسات
انه ارسبت وانته خمسه من خمسه
