الى حبي الاول والاخير امي ....}

الى الحب الاول والاخير والحب والحنان الاصل والصادق الى امنا الي سهرت النا
وماكو مثلها لا حبيب ولا حبيبه سهر علينا وهاي حبيت اجيب هاي الكلمات
المتواضعه والقليله بحق هيجي حب اصيل وطاهر يارب اكون وفي عدها
واقدر حبها واكيد انتو كذلك حبايب كلبي تحياتي لكل ام بالعالم تستاهل بمعنى الكلمه

امي من تفرح مدينه

وامي من تحزن مدينه

امي من ترضه امان وحته من تزعل امان

امي من تضحك تشك وجه الظلام

وترسم بوجه الصبح احله ابتسامـــــــــه

امي من اطلع ترش ماي بكفاي

يعني الله اوياك وترد بسلامـــــــــــــــــه

امي اذكر مره راحت للزياره

وكفت اباب الحوائج

فرعت صارت مناره

امي؟ امي من ابعد عليهه تظل حزينه

وتصرخ بنص الكلب جيبوه اليه

وترسم بكل راس شارع ابني وينــــــه؟

ابني وينه

امي من تبجي الدمع يتوضه بيهه

وتسجد لشيلتهه عينــــــــــــــــــــــــــه

ووالله لوشافتني اجيت اتذب حزنهه

وتلبس العيد وتجيني مكيفه بيـــــــه

وامي ياامي شكثر لولت عليـــــــــه

ومن اديهه شكد امس رضعت محنه جفوف اديه

امي من تكعد اكبالي ولله من ترفع اديهه

اغفه بحضنهه ويااديهه؟

انذب غطانه ونبرد ونتغطه بيهه

وامي ماتقبل ابوس جفوف اديهه

هيه اديهه تبوسني وتاخذني ليهه

وامي من ماشفت اديهه كلت راحت

شنهي راحت ماذنه ابيت الله طاحت

والله الام دولة الام هيةاغلا شي بالدنيا عاشت ايدك وردة تحياتي................

ســـلمت الانامل الحنونة على هالكلمـــات الروعة والحنـــونة ,,
سلمتـــ يمنـــاكــ يالغـــلا ,,
تحياتي * الوتــر الحســاســ*

الله والله على راسي
كولش حلو
وتستاهل تقييم
مشكور عيني

مشكورين حبايب كلبي على هذا المرور الجميل والرائع يسلمووو الكم

الك من سلام بكد كبر هل الكاع

والك من محبة وربي يشهد


على الام العزيزة شكتب احتار


لان بزعلها غضب ربي


تحياتي الك يانور اخوك مؤيد العزي مع تحياتي

الله الله روعه يامؤيد العزي ولك منووووووووووووووور