وينك ما ترد تغلق جهازك ليش
وكت خلاك ترفض ما تجاوبني
تذكر من جنت تتمنى تحجي وياي
تنكره بسهولة و ما تعبرني
هسة و صدفة جابك لية هذا اليوم
ولان ثقة على نيتي و ما يضيعني
و فضل مني ترة من اوكف احجي وياك
و نعم بيهة قصد بس لليفسرني
و سمعني عذر لا تستحي من الناس و لا تندك خجل مو عيب سمعني
اقرة بداخلك و اعرف تفكر شلون
كل همك ربح لو حتى تخسرني
و اعرف غايتك لا تضن غشيم بهاي
بس حكمت عقلي و قلبي طاوعني
ردت اعرف نهاية حبك المزعوم
وين بيا طريق تريد تاخذني
تحب شكلي فقط لا مو جمال الروح
و لهذا السبب يا باشا تعذرني
صح اني صغيرة و عمري بالعشرين
بس اوزن بلد و الله صدكني
الطيبة مو ضعف و السكتة لا مو خوف
بس اخلاق بيتي هي تجبرني
و انطيك على مايك مرة لو مرتين
لاكن للاسف بعدك متعرفني
سامع بالمثل شط و يرد عطشان
هذا اني اصيرن من تجربني
وصلت فكرتك يعني انتهى الموضوع
و لتحاول بعد هيهات تقنعني
امسحني بعد ما قائمة الاسماء لان اسمك بعد ما يشرفني
ساعة و العطر كل الملابس هاي
لو سألوك عنهن بيهن اشكرني
و روح براحتك خلصتة ثاري وجوه
تتندم علي بعدين تذكرني
نصيحة للتحب ام باجر تصيرين
ترجع للحجيتة و كلتة
