حـصـريـا { عـلـي الفـريـداوي / بـعـد مـا أحـب }

ألسـلـام عليكم

زوار و محبي الكـرامـ
شلـونكـم :
انشـا الله بخير و صحة وسـلام

متعودين ع الحصري
كلمات اغنية الشاعر الكبيـر
عــلي الفـريداوي

بقصيدة

بـعـد ما أحـب

القصيده نزلت قبل فترة ونزلت كلماته لا كن اليوم
بيه مفردات مختلفه و مقطع جديد

بعد ماحب بشر مايثبت يحبني والي مااعجبه ليش يعجبني بعد ماصير كاس بايد اليشربون مر يشوفني ويرتاح يشربني

وماريد اليكلي وياك انا للموت وباول حفره صدفة يشوفه يذبني وبعد ماريد صاحب عنده ست وجوه مثل الزار طبعا راح يغلبني

انا ماريد صاحب عنده ست وجوه مثل الزار طبعا راح يغلبني وماريد النطاني واني مامحتاج ومن بيه سمع محتاج طالبني

وماريد التركني من جنت تعبان ولمن شافني مرتاح صاحبني وماريد المدحني من جنت موجود ومن غايب بنار لسانه كلبني

انا اريد البظهري يجبني بالخير حتى لو بوجهي يوكف يسبني انا ماريدهم مو من كلب بطران بس عشت بزمن مجبور توبني

ياخي شكد غريبه تعيش هاي الناس شصير انت عكسك طبع تعبني احبه يخوني خنته يحبني يكوم احجي يلموني انساه يعاتبني

اصده يصيحلي اشتاكله يندار علمته الرمي انداريت صوبني خفت من الكفلته البارحه من العوز خايف يكبر وباجر يحاسبني

مدري الدنيا غابه مدري بينه العيب محد على السؤال البيه جاوبني شكثر من وطن حبيته حب مجنون لفه اليكرهون وكام غربني

ادور على اليحبني كون مثلي يكون على كد مااذوب وياه ذوبني يصير مرايتي يدليني وين العيب واني مرايته وهو اليرتبني

ميتاني اطلب لو جنت عطشان يحس عطشان اله وبشفاه يشربني مابيه طعم لو كتله انا شحتاج لوحده يفتهم لو فعلا يحبني

يرسم ضحكتي يعلكه فوك شفاي وكلمة بوسط كلبه بشوك يكتبني اعيش وياه عشك مو حرب مو هجران اوفيله وفه شكد مايجربني

مثل ما انا اريحه براحتي يحتار مو يرتاح بس لمن يعذبني مو اسمه حبيبي وجرح بيه يعيش مو حاضني بس بالاصل صالبني

العكب وجهي ورا ظهري بحر ضيم ولا ضل الي واحد مانخيته واله صحبان كالو فوت لتخاف كلت هنيال حضي الحصليته

كلت حزام ظهري ذوله للضيج وبيهم كسر ظهر حزمته ورا ظهري عفتهم وانا هديت درت ظهري ولا واحد لكيته