عيب تراك كبرت / ي !

مرحبا

حدخل ع طول بالموضوع
ردت اسأل كم سؤال؟؟
طبعا" انا منغثه من هالسالفه طلعوا روحي
ليش اذا الوحده تركت مجلس الكبار وراحت مع الصغار تلعب اي شي ليش اذا راحت تلعب كلولهاااعقلي تره كبرتي عيب؟
زين ليش عيب؟
واذا لعبت وياهام شويه بيت بيوت عيب استحي كبرتي.
زين ليش عيب؟؟

سؤال.. بالله ماتحنون للطفوله؟
ماتتمنون انكم اطفال وتعيشون ببساطتهم وراحة بالهم ؟؟
ما تتمنون تعيشون وياهم لو لحظه من اليوم؟يكون بالكم صافي وهمكم اللعب وبس؟؟
ولاحكين ع الشقا ومغثة الكبار .......

مو شي يضوج؟؟

زين اريد افهم وين العيب بالموضوع ؟؟

انتظر مشاركتكم وارائكم

لان يعتبرونا كبار عقلنا كبر مو مال هاي السوالف
بس هاي غلط يعني الكل مر بهاي المرحلة عادي ومن حقنة احنة نلعب وية الصغار
لان يفرحون مثل ما احنة جنة نفرح من احد يلعب ويانة
شكرا الج على الموضوع الحلو
تقبلي مروري

شكرا حياتي على مرورج الرائع
وعلى ردج حلو تحياتي الحاره الج ورده

حسب البيئة الي عايشهة الشخص .. حسب تصوراتي ..

واكيد هماتين الواحد مو دائما يلعب .. يعني وكت الجد ايكون جدي , اوكت الشقا يلعب ويتشاقا ..

اني مثلا كولش احب اتشاقه ويه الاطفال او العب وياهم او العبهم بس بوقت اللعب او الشقا ,, ومحد حيكولي ليش او عيب !! ..
بس من اكون بوضع جدي واروح العب ويه الاطفال !!.. تتصورون هذا شي لائق ؟؟ بس من ايكون وضع جدي وبهذاك الوقت اكون جدية محد حيكدر ايكولي شي ,, لا عيب ولا كبرتي وبطلي هالسوالف !!..

مو صحيح ؟؟

بس هيه بالاول وبالاخير ترجع للبيئه الي عايشهة الشخص ..

وثانكس عالموضوع البديع .

مشكوره حياتي على الموضوع الحلو
والله مادري شكلج مصاير بيه هيج موقف

اقتباس:

---

المشاركة الأصلية كتبت بواسطة jojo 4 ever

حسب البيئة الي عايشهة الشخص .. حسب تصوراتي ..

واكيد هماتين الواحد مو دائما يلعب .. يعني وكت الجد ايكون جدي , اوكت الشقا يلعب ويتشاقا ..

اني مثلا كولش احب اتشاقه ويه الاطفال او العب وياهم او العبهم بس بوقت اللعب او الشقا ,, ومحد حيكولي ليش او عيب !! ..
بس من اكون بوضع جدي واروح العب ويه الاطفال !!.. تتصورون هذا شي لائق ؟؟ بس من ايكون وضع جدي وبهذاك الوقت اكون جدية محد حيكدر ايكولي شي ,, لا عيب ولا كبرتي وبطلي هالسوالف !!..

مو صحيح ؟؟

بس هيه بالاول وبالاخير ترجع للبيئه الي عايشهة الشخص ..

وثانكس عالموضوع البديع .

---

شكرا حبي على مرورج الرائع وردج الاروع
وفعلا هو وقت الجد اكون جديه وقت العب العب بس اني كلش احب الاطفال
الدرجه انو مستعده العب وياهم اي شي وميهمني اني صدكيني اطفال الشارع كلهم يكولون الاهلهم
ودونه يم مريومه واكبر طفل بيهم عمره خمس سنين وهذا بس واحد عمره خمس سنين
فلهذا اني حرت بهذا السؤال وردت اخذ رئي الكل المشكله مو اهلي يكولولي هنا المشكله
وشكرا على ردج الحلو وشكرا مره ثانيه على المرور الرائع نورتي حبي

اقتباس:

---

المشاركة الأصلية كتبت بواسطة نونه البزونه

مشكوره حياتي على الموضوع الحلو
والله مادري شكلج مصاير بيه هيج موقف

---

تسلمين حياتي على مرورج الرائع نورتيني ونورتي موضوعي
وتحياتي الحاره الج ورده وشكرا على المرور مره ثانيه حبي

اي حبي كلامج صحيح ومثل مذكرتلج .. اني مرات اشوف اطفال اظل العب وياهم بس محد يجرأ ويكولي شكو داتلعبين ويه الجهال !! صحيح اني مو كل وكت يعني من اكون بمكان عام ماظل العب ويصير تفكيري تفكير اطفال وانما اوكف وعبالك عمري اكبر من اللازم ..

بس اذكر مرة مدرس مدري منو ديشرحلي واني شفت طفل وظليت اسويله حركات حتى يضحك ونسيت المدرس ديشرحلي هههههههههههههههههههه بس هايه اذكرهة .. بس مع هذا محد كلي انتي جبيرة وصيري عاقله !!

ههههههههههههههههههه ذكرتيني مره مدرسه جابت بنتها للمدرسه
اني احبها كلما تجي اخذها العب وياها فمره جابتها ودك الجرص وعدنا عربي جان
اني ظليت العب وياها ونسيت فرحت افوت مخلتني المدرسه افوت اتكولي روحي لعبي وياها اهم بس انحلت المشكله لان تعرفني فسماح جان
هههههههههههههه بس ابدا مدا انسى هذا الموقف واليوم ذكرتيني بي
وشكرا حبي على جوابج الحلو وشكرا على مرورج الرائع منوررررررره