وين جنتي
وين جنتي .. وليش متعطلة علَي كل هالسنين
وليش ما طيفج إجه وفزز صفنتي .. وين جنتي
كَبل تسع سنين مريتي اعله بابي وما وكَفتي
ليش من دكَ الجرس ماصارن عيونج فرصتي
ليش يا أول درس يفترض كنتي
ليش من كف العمر هسه ظهرتي .. وين جنتي
ياملك شيطان وتلبس بجثتي
ويادمع خسران يمثلم وجنتي
ويا ألم لف روحه سجين بحسرتي .. وين جنتي
ليش ماجيتي كَبل لاتوصل الفضة الكَذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت جا لمج من سنين بختي .. وين جنتي
جان هسه دموعي ماكو وخابصة العالم ضحكتي
وجان هسه همومي ميتة وعافية بوجنة فرحتي
وين جنتي وليييش متعطلة وصلتي ؟
