مــــــــــــــــــزاجي...
تعرف كلبي ابيض صافي دوم وياك
ولايرضيني تزعل مني لو مره
بس ذكرني اني بيا زمان اقسيت
وبيا يوم عفتك تخنك العبره
من شرط الشرط جبت العمر تعبان
وشروطك علي صارت لهب جمره
اشو انه الاحبك وانه ادور اعليك
وانت الساكت انت الما نطق ثغره
هسه تكلي .. كافي وتعبتني وياك
وتقارن محبتي ويه النسيت امره
لتقارني اني ويه الي ماتو بيك
لتقارني ويه المنك اتبره
لك والله انه احبك والله احبك موت
بس انت المزاجي الحاير بأمره
ادريك انت خايف ارجع البغداد
وانساك واعوفك وانكر الذكره
يمعود دباوع كلبي بييه شصار
منك منك انته وحبك شكبره
لتفكر اخونك انه مهما يصير
احلف بيك الك لاغيهه للفكره
اني الخايف انت تعوفني ويه الشوك
وترجع انت تعشك غيري وتكبره
خايف من مزاجك حيل شايل خوف
خايف من جروحي الي بدت تبره
ما ســألك تحب لوما تحب يفلان
ولا تسألني انت ارجوك هالمره
بس خلي العيون تبادل النضرات
وخلي بكلبي حبك ... بالك تفجره
http://www.fajr-aliraq.com/vb/images/smilies/hapy.gifhttp://www.fajr-aliraq.com/vb/images/smilies/hapy.gifhttp://www.fajr-aliraq.com/vb/images/smilies/hapy.gif
