روح الله ويــــــــــــــــــاك

انا ما اكدر اكلك لا تروح
روح الله وياك انا امتاني

بنفس درب الي مشيته انطر تعود
شجره انا ايصير انسه اغصاني

جرحك بروحي اشحلاته اشما يطول
اجرح بسجيني هاك الثاني

لكن احجاية ضمير اسمعها زين
صعبه حيل انساك لو تنساني

انت من طين البشر ربك بناك
وانه هم مثلك بشر سواني

لكن المقياس بالحب والوفاء
ومو نكر للذات لو تهواني

عمي ماريدك تحبني بلا يه روح
انا ما ريدك خشب سجاني


روح ومشي وعاين دروب الحياة
ومن ترد مفتوحه لك بيباني

انا طبعي من النهر ماخذ دروس
يعني استاذ بحظرتك اني

بس اسف بالمسحه من فلاحي طاح
كامت اتبوك بزرع بستاني

وانه ايدي امكطعه وناطوري مات
وليلي باع انجومه كلها وجاني


وانت جاي تريد تمشي بلا وداع
عمي روح اشضل بعد شتاني

هيه كلها اتراكمت ضلت عليك
كافي راح اسكت وخيط اللساني

عاشت ايدج كلمات روعة

اعلم دائما انه عندما اطل على همساتك اجد دائما عندك الجديد

دمت للابداع عنوان وسلمت اناملك وانتظر جديدك دائما
تقبل مرورى بين روعة سطورك

شكراً لمروركم الراقي