تره حتى الله مايرضاها هيج اصير
اسأل من عليك وين اريد الكَاك
شو مبتعد عني ولا بعد تسأل
كَلت يجوز زعلان ونجي نراضيك
بس ادري المحب عل محب ما يزعل ؟
كَلت يجوز ليله وثاني يوم يعود
شفت الزعل زاد وهجرك الطول
معقوله نسيت احبابك التهواك
ومعقوله الكَلوب ابسرعه تتحول
شعجب لامن سبب خليتني وصديت
ترى هجرك حبيبي اعضاي شلهن شل
شفتك ويه غيري وكَلت عادي ايمون ؟
كَلت بعده زغير ابراحته مدلل
احسك تمشي وي روحي ومع النبضات
وارد ليك واتلك حيل ما تنتــــــل
زرعتك بالكَلب انتَ اخر الشتلات ,
والهمك صرت يفلان مو مشتل ؟
تجازيني بهجر ليش الهجر يفلان
ترى هجرك سرى ابدلالي مثل السل
تعال اكَرب تعناني ودشوف اشلون
متخربط وارد انفض بكَايا الروح وتعدل
ترى حت الله ما يرضاها هيج تصير
ولا وصى ابكَطاعه وتنكر وتكتل
مو كاتلني انتَ بصدك الي طال
صرت مثل العلوج الكَلبي هم محتل
ما ريدن اقاوم راضي بلأستعمار
استعمرني وأكَلك راضي انا اقبل
يعني شلون تالي ما وراك ارحام
لازم منجلك بالروح بس تبتل
دخليك بهواك وين تصفى وياك
ولو هزك حنين ارجوك لتطول
تعال ابسرعه يمكن تلكَه بس الروح
لو تلكَه جسد مات بهواك وظل
تحيــــ,,,,,,ـاتــــ,,,,,,ـي
