بسك ياكلب من تعتب شبيك *** اعرف اني اذيتك بديه
ولو عيني الي حبت كبلك فلان *** واعرفه افلان ابد ماحاس بيه
الوم الساني ذاك الفشل الروح *** احبك كالهه بنفسه الابيه
ضنيته محب ضنيته سلواي *** اثاري يريد يسكيني المنيه
كل ضني اعيش وياه فد بيت *** واشوفن عشكه ياخذلي التحيه
ضنيته يحطني ابين العيون *** وبشوفه احني اجوف اديه
ماحسبته بيه يخون فد يوم *** وبهذا العشك يلعب عليه
ماحسبته بابه يسده علروح *** وماكال علدلالي خطيه
من كتله احبك كلي ماريد ***وهليت الدمع صبح ومسيه
ماحبج ياكلي مقرر ابهاي ***وانه اليوم بلعتني الوطيه
عساهه بختك ومتشوف الافراح ***لان للكلب جبت انت الاذيه
