قصيده (الموت ) للشاعر المبدع سعود الخفاجي
الموت مره حلو وكلش حلو مرات
بالذات من تنولي الموت اهون ولايولاك ناقص ذات
والموت ماينجرع بس ينجرع مرات
بالذات لمن تجي وتشوف روحك نعش والشالتك شمات
والموت كلش سهل لوردت مره اتموت
بس كول لا ناهيه ولف بركبتك حبل واطيه لجف طاغوت
بس صعبه كلش تره؟ لمن تظل عالثرى جثه برجه التابوت
لوتنسه كلشي وتظل رهبان عايش حلم في عالم اللاهوت
لوتمشي وي المشو وبعينك تحط ملح واعله الهظيمه اتفوت
وللموت عدة صور ؟
لودورت بالصور عن ذكرى ماتنسي ماتلكه بس كبور
وللموت كالو رحى ماتشبع وكل وكت بس هيه تبقه تدور
والموت اعرفه جنت والله اعرفه جنت والله اعرفه جنت
من يوم اول درس
كالولي هذا (الاه)يشبه عمودالظلم واكتبت دار ودور
للمات ينكص جفن وبصفه باقة سدر شايلهه جف كافور
والموت ماجنت اظن يختلف عن الموت
لوصار (قاطع طرق)ويبوك بس النفس من رية الناطور
الموت هسه اختلف
وبصوت مرعب هتف
وبايده حط منشور
الموت انه الموت الموووت انه الموووت
الموووووووت انه الموووووووووووووووووووووووت
لحد يكلي انتظر ؟بس العراقي برز وضلوعه حطهن سور
وبعينه صوره لطفل بالموت ظل يحتفل
من شاف عمره قدر للموت ظل منذور
ومن يوم ادم خلق وبنادم بكل فخر شيد سلالة اور
الموت ماغض طرف عن سومر شكد نشد واتقصه عن اشور
طاعون مره اجه ومن شاف بينه الكرم
لف راسه يمنه وبقه بحضرة جثثنه يزور
مع بالغ اعتذاري لاني نشرتها وانا اصارع الموت من اجل البقاء لاقول انا عراقي ليس الا؟علما انها كتبت عام 1997
احبتي اضع بين ايديكم
هذه اللوحه لنرى ماترون
