اغار عليك اخاف تشوفك الناس
اغار عليك خاف تشوفك الناس
ومن وكتي احاذر لا ياذيك
واعادي الوكت خافن جفه وياك
وحق عينك اعادي الي يعاديك
اظل ممنون طول العمر يفلان
الك وحدك وماظن يوم اوفيك
اغار عليك من الهوه الهاب
لو داعب الشفه ومر طواريك
اغار عليك لو احد حجه وياك
واحب غيره عيونك من الاكيك
ازعل انكمش منك بعض مرات
وارجع ياحلو هم اني اراضيك
واحس الكلب ما ياخذ حجي وياك
شما ابعد يرجعني لشواطيك
اغار عليك من تكعد وياي
ويحلالي السمر واجمل معاني اطيك
اغار عليك يسمر والحل شلون؟
اظل بنار حبك لو ابريك
اغار عليك يااجمل قصيده شوك
احطك بالنهايه واول سطر من القصيده الكيك
