عودني على طيفك حته انام الليل
عودني علــه طيــفك حتـى انـــام اليل
وما اسهر بعد والسهر ينســـــــــــاني
شاعر نعم لاكن لو حجيت وياك
احير شلون احلن عكدة لســـــــــــــاني
اضل ارجف شعر لو شفت وجهك يوم
وتذبحني بخزرتك وانسه عنــــــــواني
قطعه من الشمس حقي من اغار عليك
من امك وبوك وهلي وخـــــــــــــــلاني
تكتلني الضنون ارفس رفس مذبوح
اذا كَالولي عنك تحجي وي ثـــــــــاني
وياخذني الزعل ومسح صور ذكراك
وماتقبل عليه وتبجي حيطـــــــــــــاني
ويملكني الغضب بركاني يلهب نار
بس ادنه يمك يطفه بركـــــــــــــــاني
موبيدي احبك مره ردت انساك
عاتبني بحزن مايرضه نسيـــــــــــاني
احبك مره كتلي اليل صار نهار
واحس الناس صارت كلهه صحبــــــــاني
يمعود دخيلك طال بينه الشوگ
تعال اغفه عله صدري ونام بحضـــــــاني
تعال العيد جيتك وانه عين ايتام
مر بيه بفرح مرجوحة احــــــــــــــــزاني
انه وي الحزن عشرة عمر وحباب
لا اگدر املـــــــــــه ولاهو مـــــــــــــلاني
وامس من شاف طولك وايد بيد وياي
زعل مني الحــــــزن وارتــــــــاح خلاني
هسه الحزن راح الفرح بيدك ماي
جيتك محتــــــــــــــرك كوم تلكــــــــــاني
ركض دمعاتي تنزل لون مرك ضيم
والله تكول جـــــــــن ميت الربـــــــــــــاني
