شگد حلوه ليلك لو يمر
كله فرح مابي حزن وتنام نومة باشه
شگد حلوه لو كلمن تحب
رمشك أله يصير الغطه وعينك تصير افراشه
شگد حلوه لو ماكو فقر
والجوع لبطون الشعب ما يوصل ويتحاشه
شگد حلوه لو ماكو غدر
والذيب وي شاة ابدرب چتف بچتف يتماشه
شگد حلوه لو چفك طول
يم العنب ما فشلك ناشه بسهوله وحاشه
شگد حلو لحظان الورد
لمن يرد ماي الندى وتحط عليه فراشه
شگد حلوه أذا شفت الطفل
من البچي يسكت أذا هزوله بالخرخاشه
لكن الكلش مو حلو
لمن ابو بهذا الوطن لبنه اشتره الرشاشه
